Tamtama 14:10 - Nupela Testamen long tokples Kandas

¹⁰ i kai in inum tagun a wain na kankan anun o God. A wain ri di sa waninar tari, a inaimino i dekdek doko, ma di lingisi una kap na kankan anun o God. Din ukadiki nama sungun ma a salfa, numugu tan a Barman na Sipsip ma a kum ensel anun o God.

Tamtama 14:10 Referans Kwoze

Tamtama 16:19

A labino tamon Babilon i terege sur a tulu nubual, ma a kum lamlabino tamon anun a taro tagun a kum gapman rop det terege rop. O God i nuk pas a labino tamon Babilon ma i pitar a kap na wain toromi sur in inumi. A kap ra i bukus nama karangop ina nun a kankan.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 18:6

A petutna ra i pam tari un mot, mot in balu meleti toromi, anun a kum pinapam ra i pam tari un mot, mot in balu i elar ut nam aru dino toromi. A kap ra i pitari torom mot sur mot in inum uni, mot in ubukusi aru dino sur mot in pitari toromi sur in inum melet uni.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

A Pas anun o Jud 1:7

Lenkutkai ra torom o Sodom ma o Gomora, ma a kum tamon milau der. A taro tagitiro iai, det pam a petutna na pamuk, ma det pam a sakino petutna melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena, a labino sungun ra ken mat, i kis sur a kum tene sakino sur din tun det uni.

Tamtama 18:3

I sa puku, uni a taro tagun a kum gapman rop det sa inum pas a dekdek na wain ina nun a pamuk na petutna. A kum king tagun a rakrakon bual det pam a pamuk na petutna tomo nami. Ma a kum tene siuru tagun a rakrakon bual det tene ululeng nama susut na ululeng tagun anun a kinkinis na tene ululeng.”

Matiu 26:39

I wan lilik taru usa numugu, i puku tuntudung taru una piso, ma i wararing lena, “Tita, ra gunuk in sot, un los ru a kap na mamaut ri gusun iau. Ikut gong u mur anung a nemnem, un muri ut anum a nemnem.”

Matiu 20:22

O Iesu i balu i lena, “Ka motul tasman asau ra motul sasaring suri. Pepetlai, in topasi sur mur kai mur in inum tagun a kap na mamaut ra an inum taguni?” Der balu i lena, “Mir in pet lar pasi kut.”

A Wakak na Wasiso un o Iesu Karisito o Mak i tumusi 8:38

A taro tagun uniri, anundet a nilaun i bakbak gusun o God, ma det a kum tene pam sakino. Osi ra in maimai un iau ma una nung a kum wasiso epotor tan a taro ri, a Nutun a Musano kai in maimai uni, ra in nanpat tomo nama kum ensel anun o Tamano ma a minamar anun o Tamano.”

Aposel 10:22

Detul balu i lena, “O Konelias, a mugumugu anun ara mar na taro na inaim i tulu ru metul. O Konelias i ara tene tokodos ma a tene urur un o God, ma a taro Juda rop det ru i. A ensel anun o God i inanos tari lena, in itula pas ui utong una nun a rumu, sur in longoro anum tu wasiso.”

2 Tesalonaika 1:7

ma in pitar a mana torom mot ra mot taramo a ngunungut, ma lenkutkai ra torom metul. O God in pami lenra, una bung ra a Labino o Iesu in nanpat tagisapat una langit nama kunabor na sungun ma anun a kum dekdek na ensel.

Tamtama 15:7

Numur ara tagun a wat na utna ra det laun i pitar tar a wonom mawit na dis di pami nama gol torom a wonom mawit na ensel ra. A wonom mawit na dis na gol ri det bukus nama kankan anun o God, o naro ra i laun tukum, ken rop ma ken rop.

Tamtama 19:15

Ma in totok na inaim ra i wangon doko, kura uwano i gom pasi, sur in ban laulau a taro tagun a kum gapman rop nami, ma in warkurai dekdek det namin nubuku na aen. I pas ginogino a kum wino wain unin nutung na wat ra i tur ukinalong a karangop ina kankan anun o God, i ra i dekdek sakit.

Tamtama 20:14

Numur di woro pirso ru a minat ma o Edes unin labino tung na sungun. In nutung na sungun ra, i a manru na minat.