Biblia Todo Logo
Bib sou entènèt

- Piblisite -




Tamtama 13:10 - Nupela Testamen long tokples Kandas

10 Ra o God i sa mulaot tar taio sur in karabus, in karabus ut. Ra i sa mulaot tar taio sur din tau doko i namin totok na inaim, din um doko i ut nami. Ra i lenra, i wakak sur a taro anun o God det in tur dekdek ma det in nurnur.

Gade chapit la Kopi




Tamtama 13:10
29 Referans Kwoze  

Ra i lenra, i wakak sur a taro anun o God det in tur dekdek, det ra det ser mur a kum Warkurai anun o God, ma anundet a nurnur i tur dekdek un o Iesu.


Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.


Anumot a tuntunur dekdek in ulaun mot.


Ka met nemi sur mot in tabalamat, awu. Met nemi sur mot in mur a magirandet ra det nurnur ma det kis langlang ma pinindet ke ngoro, ra det in utur ukai asau ra o God i sa uliliman taru nami.


A tasman anumot a kum pinapam ma anumot a kum dekdek na pinapam, ma anumot a tuntunur dekdek ra mot taramo a ngunungut. A tasmani lena ka mot madek tar a kum sakino taro. Ma mot sa lar tar det ra det warango det lena, det a kum aposel, ikut awu sur det a kum aposel mulus, ma mot sa tama lele tar det lena, a kum tene torotoro.


O Iesu i watungi tano lena, “Uruk melet anum in totok una bano, uni det rop ra det etau nama kum totok na inaim, det in iru nama kum totok na inaim.


Det sa um doko ru anum a taro ma anum a kum poropet, ma a gapindet i tilingis. I mo ra u sa pitar tar a gap torom det sur det in inum uni. I elar nama warkurai na minabalu torom det una anundet a sakino pinapam.”


Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.


I mo ra, mot in nuk pas a etowo ra di sa pitar tari tamot ma mot sa longoro tari, mot in muri ma mot in nukpukus. Ikut, ra ka mot in tuangun, an nanpat torom mot elar nama tene wolong ma ka mot in tasman a du bung ra an nanpat uni.


A tasman anumot a kum pinapam, anumot a marmaris, anumot a nurnur, anumot a pinapam na warut a taro, ma anumot a tuntunur dekdek ra mot taramo a ngunungut. A tasmani lena anumot a kum pinapam uniri, det labo taun a kum pinapam ra mot pami numugu.


Ra o God in udekdek mot nama dekdek rop, tagun a wakak na labino dekdekino, sur mot in kis wowowon ma mot in tur dekdek una kum maut rop ra mot taramo i. Ma mot in gas,


Uni a warkurai ra mot takun taio nami, i ut ra o God in takun mot melet nami. Asi na ngas na warkurai ra mot takun taio nami, ra i tokodos o ke tokodos, i ut ra o God kai in takun mot melet nami.


A kum gapman gisen det kankan, ma anum a kankan kai i sa wanpat. A du bung i sa wanpat sur un warkurai det ra det sa mat, ma sur un pitar a ikul torom anum a kum tultul a kum poropet, ma anum a taro, det ra det urur una risam, a kum lamlabino ma det ra ka di ulabo pas det, ma un kamar ru det ra det ban laulau a rakrakon bual.”


A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.


Ma a kuabor na wewegua ra i sa laun pas numugu ma ke laun uniri, i ra a mantiwal na king tagun a wonom mawit na king ra, ma in nan sur in iru.


Swiv nou:

Piblisite


Piblisite