Tamtama 12:9 - Nupela Testamen long tokples Kandas

⁹ Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

Tamtama 12:9 Referans Kwoze

Luk 10:18

O Iesu i watungi tandet lena, “A tama o Satan i puku tagisapat una langit elar namin nememe.

A Wakak na Wasiso un o Iesu Karisito o Jon i tumusi 12:31

A du bung ri din warkurai a rakrakon bual. Uniri din lakro ru a labino anun a rakrakon bual.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

1 Jon 5:19

Dat sa tasmani lena, dat a kum nutnutun o God, ma a rakrakon bual rop i kis utuntudu ina warkurai anun o Satan.

2 Korin 4:4

O Satan, a god taginin una rakrakon bual, i sa upulu pas a nuknukin a taro ra ka det nurnur, sur ka det in tama a talapor ina Wakak na Wasiso ra i upuaso a minamar anun o Karisito, i ra a malalarin o God.

Tamtama 12:7

A labino inaim i wanpat sapat una langit. O Maikel ma nun a kum ensel det waim namin labino sui, ra in labino sui ma a kum ensel anunu, det ebalu nama inaim.

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

Tamtama 20:8

Ra in nan sur in toro pas a taro tagun a kum gapman rop tagun a wat na matmatano wuwu, a taro ra di watung det nam o Gok ma o Magok. In ben tomo det sur a inaim. A nilulukin det in elar nama woio tagun a usalin.

Tamtama 12:3

Sapat una langit, ara ukinalong bulung i wanpat. In labino sui, a pinino i merek, a wonom mawit nin lorino, a noino komino, ma a wonom mawit na kukup na king kura una wonom mawit nin lorino.

Tamtama 9:1

A limo nami, a ensel ra i wup anun in tuwuru, ra a tama in nangnang ra i sa puku pirso taru tagisapat una bakut ma i sa puku taru netes una rakrakon bual. Di pitar tar a ki tano tagun in labino tung ra katu tuktukino.

Tamtama 2:24

Ikut ara taro kai tagun mot tiro o Taiataira ka det mur a kum etowo anun o Jesabel, ma ka det mur a kum utna ra ara taro det watungi nama ‘kum utna na pidik anun o Satan ra i madu doko.’ A watungi tamot lena, kan ubek melet tar tu maut netes un det.

Tamtama 2:13

A tasman a tamon ra mot kis iai, a tamon ra o Satan i sa kis na king iai. Ikut mot tur dekdek un iau, ma anumot a nurnur ke wan gisen gusun iau. Mot pami utkai lenra una kilalo ra di um doko o Antipas. I ra anung a lingmulus na tene wasiso talapor, ra di um doko i una numot a tamon, ra o Satan i kis iai.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

2 Korin 11:14

Awu sur a utna na ukisin torom dat, uni o Satan utkai i ser pukus pasi, sur in tamtama elar nama ensel tagun a talapor.

2 Korin 2:11

sur gong o Satan i upuku pas dat, uni dat sa tasman a nuknukino un asau ra i nem na pami.

A Pas anun o Pol torom a taro Rom 16:18

A ngas na taro ra, awu sur det mur anundat a Labino o Karisito, awu. Det muri ut a nemnem ina pinindet. Det ser wasiso nama kum namnamin na wasiso ma a wasiso na ugasgas, sur det in usobor a taro ra ka det mananos wakak.

Aposel 26:18

Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.’

Luk 22:31

O Iesu i watungi lena, “Saimon, Saimon, tama i, o Satan i sa sasaring pas sur in lar mot, elar nama tene minarut ra i lakro susuaro a wit mulus gusun a pinino.

2 Korin 11:3

Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa.

Luk 22:3

Ra o Satan i ruk taru un o Judas, ara risano kai o Iskariot, i ara tagun a noino ma aru nat na ususer.

Luk 8:12

A kum pitino wit ra det puku una kisapi, det elar nama taro ra det longoro a wasiso, ra o Satan i wanpat, ma i rakon ru a wasiso gusun in balandet, sur gong det nurnur, ma gong di ulaun det.

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Matiu 4:10

O Iesu i watungi tano lena, “Satan, un nan gisen, uni di sa tumus tari una Buk Tabu lena, ‘Un lotu torom a Labino anum a God, ma un papam kut toromi.’” Lo 6:13

Matiu 4:8

O Satan i ben melet pasi usapat netes una labino tangai, ra i ese tar a kum tamon rop una rakrakon bual tomo nama kum minamarin det rop kai tano.

Matiu 4:5

Numur o Satan i ben pasi usapat o Jerusalem, a tamon anun o God, ra i utur tari sapat netes sakit una rumu na etabor.

Matiu 4:1

Numur a Tokodos na Nion i ben o Iesu usa una nubual kalako taro uni, sur o Satan in lari.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 16:14

Detul a tulu laulau na nion ma detul pam a kum ukinalong ma detul wan tuptupukus sur a kum king tagun a rakrakon bual rop, sur detul in ben tomo det sur a inaim una labino bung anun o God, i ra i dekdek sakit.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

Tamtama 9:20

Ma a taro ra a laulau na ukadik ri ke um doko det, ka det nukpukus gusun a kum toktok ra det pami nama lamandet. Ka det mana gusun a lotu torom a kum laulau na nion ma a kum torotoro na god ra di pam a malalarindet nama gol, a silwa, a bras, a wat, o a nuduwai. A kum malalar ra ka det tamtama, ka det longoro ma ka det wanan.

Tamtama 3:9

Det ra tagun o Satan det watungi lena det a kum te Juda, ikut awu, det a kum tene torotoro. An warkurai det sur det in nan torom mot ma det in puku nisan a kum kikimot, ma det in watung puaso i lena iau a maris mot.

Tamtama 2:9

A tasman a kum ngunungut ra i monong mot, ma anumot a kinkinis na pot na marmaris, ikut mot a kum tene gongon mot! A tasman a kum du emang ra ara taro det watungi un mot. Det ra, det watungi lena, det a kum te Juda, ikut awu, det tagun o Satan.

A Pas anun o Jud 1:9

Ikut o Maikel, a mugumugu anun a kum ensel, ra der engaras nam o Satan una minatin o Moses, ke watung tar tu laulau na wasiso un o Satan. I watungi kut lena, “A Labino ut in balu i torom ui.”

Ibru 2:14

A kukurai ina kum nat liklik ra, a kum mulusino ut. Ma o Iesu kai i wanpat a mulusino, a pinino ma a gapino ut. I pami lenra sur una nun a minat in ban laulau ru o Satan, i ra i utur ukai a dekdekin a minat.

2 Timoti 3:13

A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.

1 Timoti 2:14

Awu sur o Adam ra o Satan i toro pasi. Awu! O Iwa kut ra o Satan i toro i ra i puku, ra i pam a sakino.

2 Tesalonaika 2:3

Gong mot madek tar taio sur in toro mot nam tu wasiso o tu kisapi sur mot in muri. Uni a bung ra, ken nanpat utmakai, tuk ut ra, lako susut na taro det in rosumur gusun o God, ma a tene lakai warkurai in nanpat pupuaso, i ra, numur in iru.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

2 Korin 12:7

A kum utna ra o God i sa utamtama tar iau uni i labo sakit, ikut di pitar tar ara utna i suksuk ra i ser so a pining, sur gong a nuk ulabo pas iau ut una kum tamtama ri. A suksuk ra, a ensel anun o Satan ra i ban laulau a pining.

A Pas anun o Pol torom a taro Rom 16:20

Ma o God, i ra a kibin a malmal, milau mo in pas ginogino o Satan utuntudu ina kum kikimot. A marmaris anun anundat a Labino o Iesu in kis tomo nam mot.

Aposel 5:3

Ra o Pita i watungi tano lena, “Ananias, pepetlai ra u mulaot pas o Satan sur in ruk unin balam ra u toro a Tokodos na Nion? Asau a kibino ra u munu pas ara kukur mani ra di sa kul tar a du piso nami?

A Wakak na Wasiso un o Iesu Karisito o Jon i tumusi 16:11

Ma in ese det kai lena o God i sa pitar tar a warkurai na minabalu tan a labino tagun a rakrakon bual, ma i sa upuku ru tari.

A Wakak na Wasiso un o Iesu Karisito o Jon i tumusi 14:30

“Kan wasiso liklik mo torom mot, uni a labino taginin una rakrakon bual milau mo in nanpat. Kalako dekdekino sur in winim pas iau nami,

Luk 13:16

A ino ri, tagun a kabotaro anun o Abaram, o Satan i kerker tari a noino ma tiwal na kilalo. Ilai ra ka din palos a kineker ri gusuni una Bung na Sabat?”

Matiu 24:24

Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.

Matiu 13:39

ma a ebar ra i sapro det, i o Satan. A kalang na pasong, i a ururop ina rakrakon bual, ma a kum tene pasong, a kum ensel.

Tamtama 18:2

Ma i woiwoi namin labino walngano lena, “A labino tamon Babilon i sa puku! I sa puku! Uniri i sa wanpat a nubual anun a kum laulau na nion ma a nubual na parparau anun a kum laulau na nion ma a nubual na parparau anun a kum piko ra det dur, ma a nubual na parparau anun a kum wewegua ra det dur ma det milmiluon.

Tamtama 18:23

Katu talapor na lam melet mo in lalom pat nisam. Katutaio melet mo in longoro tar in nalngan tu matok na nolin nisam, a barman ma a toraro. Numugu anum a kum tene siuru det a kum lamlabino tene ululeng una rakrakon bual. U ben raro pas a taro tagun a kum gapman rop nam anum a miliro.

Tamtama 12:8

Det winim pas in labino sui, ma katu nubual melet mo anun in labino sui ma a kum ensel anunu sapat una langit.

Tamtama 12:12

I mo ra a langit ma mot ra mot kis uni, mot in gas. Ikut in laulau torom a rakrakon bual ma a tasi kai, uni a tene etakun i sa wan pirso torom mur! Anun a kankan i karangop doko, uni i tasmani lena ke suano i mo anun a du bung.”