Tamtama 1:2 - Nupela Testamen long tokples Kandas

² O Jon i wasiso talapor una kum utna rop ra i sa tama tari. Iri a kum utna ra: a wasiso anun o God, ma a wasiso talapor anun o Iesu Karisito.

Tamtama 1:2 Referans Kwoze

1 Korin 1:6

I pami lenra uni anumet a wasiso talapor un o Karisito, i sa wanpat talapor una numot a nilaun.

Tamtama 12:17

In labino sui i kankan doko torom a ino ra, ma i wan sur in waim nama ramano kum nutnutun a ino kai ra. Det ra det ser mur a kum Warkurai anun o God, ma det nurnur una wasiso puaso un o Iesu.

1 Jon 1:1

Met wasiso talapor un o naro ra i a Wasiso na nilaun, i laun tagun numugu ut, ra kabaut di ukis a rakrakon bual. Met sa longoro tari, met sa tama tari nama matmata met, ma met sa pam tari ut a pinino.

A Wakak na Wasiso un o Iesu Karisito o Jon i tumusi 21:24

A nat na ususer ri, i ra i wasiso puaso una kum utna ri, ma i tumus ukai i. Ma dat tasmani lena a kum utna ri i wasiso puaso uni, i lingmulus sakit.

A Wakak na Wasiso un o Iesu Karisito o Jon i tumusi 19:35

A musano ra i tama a kum utna ri, i wasiso uni sur mot kai mot in nurnur. A utna ri i wasiso uni, i lingmulus, ma i ut i tasmani lena i lingmulus.

Tamtama 1:19

“I mo ra un tumus a kum utna ra u sa tama tari, a kum utna ri i wanpat ma a kum utna ra in nanpat numur.

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.

Aposel 26:16

Un katutur ma un tur. A wanpat torom ui, uni a sa pilok pas ui, sur un pam anung a pinapam ma un wasiso talapor una kum utna ra u sa tama tari un iau, ma una kum utna kai ra an ese i tam.

A Wakak na Wasiso un o Iesu Karisito o Jon i tumusi 12:17

A susut na taro ra det tur tomo nam o Iesu una bung ra i kabo pirso pas o Lasarus tagun a kulam na minat ma i ulaun pasi, det inanos nanan nami.

Tamtama 6:9

Ra a Barman na Sipsip i papok ru a manlimo na bulit, a tama a nion a taro ra di sa um doko tar det, uni det mur sot pas a wasiso anun o God ma det wasiso talapor nami. A tama det utuntudu ina kabulu na tuntun etabor.

1 Jon 4:14

O Tamano i pitar ru o Nutunu sur in Tene Ulaun anun a rakrakon bual, ra met, met sa tama tari, ma met wasiso talapor uni.

1 Korin 2:1

A kum tistising, ra a wanpat torom mot nama wasiso talapor un o God, ka wasiso nama ngas na wasiso ra a ulabo pas iau nami, ma ka wasiso nama ngas na wasiso ra a kum tene mananos det ser wasiso nami.

Aposel 4:20

Ikut mir, ka mir in mana lar pas nama wasiso un asau ra met sa tama tari, ma met sa longoro tari.”

A Wakak na Wasiso un o Iesu Karisito o Jon i tumusi 3:11

A inanos ui nama lingmulus, met watung asau ra met tasmani, ma met wasiso un asau ra met sa tama tari, ikut ka mot nurnur un asau ra met wasiso uni.

A Wakak na Wasiso un o Iesu Karisito o Jon i tumusi 1:32

Ma o Jon i watungi lena, “Ka tasmani lena osi a Karisito. Ikut o God, ra i tulu ru iau sur an baptaiso nama danim, i inanos iau lena, ‘Un tama a Tokodos na Nion in nan pirso ma in kis un ara musano. I ra a musano ra in baptaiso nama Tokodos na Nion.’ Ma a tama a Tokodos na Nion i wan pirso tagisapat una langit, i elar namin natabun ma i kis taru netes un o Iesu.

Tamtama 12:11

A kum tistisin dat det sa winim pasi nama gapin a Barman na Sipsip, ma nama nundet a wasiso puaso. Ma ka det maris bat anundet a nilaun gusun a minat.

3 Jon 1:12

A taro rop det watungi un o Dimitrius lena, i ara wakak na musano. A magirano ra i mur a lingmulusino i ese i kai lena i ara wakak na musano. Met kai met wasiso talapor uni, ma u tasmani lena, anumet a kum wasiso i lingmulus.

Aposel 22:15

Ma ui, un ser wasiso puaso torom a taro rop un asau ra u sa tama tari, ma u sa longoro tari kai.

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”

Tamtama 20:4

A tama a kum kiskis na king ma det ra det kis netes un det, ra di sa pitar tar a warkurai tandet sur det in warkurai. Ra a tama a nion a kum taro ra di sa tok kutus a kum kabarandet, kibino una nundet a wasiso talapor un o Iesu ma una wasiso anun o God. Ka det lotu torom a kuabor na wewegua o a malalarino, ma ka di ubek a ukinalong anun a kuabor na wewegua una kum masarindet o una kum lamandet. Det laun melet ma det warkurai tomo nam o Karisito ara arip na kilalo.

Tamtama 22:21

A marmaris anun a Labino o Iesu in kis tomo nama taro rop anun o God. Amen.