Tamtama 1:13 - Nupela Testamen long tokples Kandas

¹³ Ma epotor tan a kum turtur na lam, a tama ara i “elar nama Nutun a Musano,” i emar namin walos na malu i walos pirso tuk ut una aru kikino, ma i ker a romrobono namin narus na gol.

Tamtama 1:13 Referans Kwoze

Tamtama 15:6

A wonom mawit na ensel ra det pam pas a wonom mawit na ukadik det pirso gusun a rumu na etabor ra. Det emar nama kum wakak na malu ra det talapor ma det pilpil doko, ma det ker a kum romrobon det nama kum warus na gol.

Tamtama 14:14

Ra a tamtama, a tama pas a du bakut ra i kabang, ma sapat netes uni, ara i “elar nama Nutun a Musano” i kis taru uni. I ubek pas a kukup na king ra di pami nama gol unin lorino, ma una lamano i pam pas in totok ra i wangon doko.

Ibru 4:15

I tasmani lena katu dekdekin dat sur dat in winim pas a sakino, ma i maris pas dat. Uni di sa lar mugu tari nama wur ngas na ululam rop lenkutkai ra di ser lar dat nami, ikut ke pam tu sakino petutna.

Tamtama 2:1

“Un tumtumus torom a ensel anun a taro na lotu tong o Epeses lena: O naro ra i pam a wonom mawit nin nangnang una sot na lamano, ma i wan epotor una wonom mawit na turtur na lam na gol, i watung a wasiso ri: