Taitus 3:2 - Nupela Testamen long tokples Kandas

² Gong det emang, det in balano molmol, det in pam a wakakino torom a taro, ma det in unatino pas det torom a taro rop.

Taitus 3:2 Referans Kwoze

Epeses 4:31

Mot in lakro ru a nuknuk laulau, a kankan, a wasiso na engaras, a ugaia na kankan, a emang, ma a kum sakino petutna rop kai.

Epeses 4:2

Mot in unatino pas mot, ma mot in kis na malmal. Mot in ese a wowowon na magiramot, ma mot in maris etetalai mot, ma gong mot balano sungun ra a ramano taro tagun mot det raro un lako kum utna.

1 Timoti 3:3

Ma gong i tene ininum, gong i tene inaim, in tene malmal, ma gong i tene wasiso na kankan, ma gong i nem doko a mani.

1 Pita 3:10

Uni a Buk Tabu i watungi lenri, “Ra taio i nem a wakak na nilaun, ma i nemi sur in tama a kum wakak na bung na gasgas, in tamtamabat a wano gusun a kum sakino wasiso, ma gong i toro.

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.

Jems 4:11

A kum tistising, gong mot mang etalai mot. Osi ra i mang tu tisino, o i kuro i, i watung laulau a Warkurai anun o God ma i kuro a Warkurai ra. Ma ra un kuro a Warkurai, awu sur u muri, u nuki kut lena ui ut u labo tauni.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Matiu 11:29

Mot in los anung in nikip, ma mot in ususer tang, uni a magirang i wowowon ma a ser unatino pas iau. Mot in los in nikip ri sur a niomot in mana.

1 Pita 2:1

I mo ra mot in lakro ru a kum sakino petutna rop, a wasiso torotoro ma a nilaun na torotoro, a nuknuk laulau sur a utna anun taio, ma a wur ngas na wasiso laulau un taio.

Jems 3:17

Ikut osi ra i utur ukai a mananos tagisapat una langit, a mugano utna in tokodos, ma in tene malmal, ma in ser nuk pas a taro gisen, ma in ser unatino pasi, in bukus nama marmaris, ma in wu a wakak na wino una nun a nilaun, ma in pam ara ngas na petutna kut torom a taro rop, ma katu torotoro tiro una nun a nilaun.

Galesia 6:10

Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.

Galesia 6:1

A kum tistising, ra tu tene nurnur i puku una sakino, mot ra a Tokodos na Nion i mugu mot, mot in ukatutur melet pasi nama petutna na urur. Ikut mot in tumarong mot ut, sako mot bulung mot in puku un tu ululam.

1 Timoti 3:11

Torom anundet a wardain kai in lenra, det a kum ngas na wardain ra a taro det ser ru det. Gong det wasiso eno, det in tumarong a magirandet, ma det in lingmulus una kum pinapam rop.

1 Tesalonaika 2:7

I tokodos sur metul in saring mot sur tu ikul, uni metul a tulu aposel anun o Karisito. Ikut ka metul pami lenra. Metul upuaso a balano wakak epotor tamot, elar nama ino ra i tamtamabat a kum nutnutunu.

Pilipai 4:5

Mot in ese puaso anumot a wowowon na petutna torom a taro rop. Milau mukut a Labino in nanpat.

1 Korin 9:19

A lingmulus a sa langolango, ma ka papam na karabus torom taio. Ikut a pitar tar iau sur an tene ititula torom a taro rop, sur an ben lako susut na taro torom o Karisito.

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

Aposel 23:5

Ra o Pol i balu det lena, “A kum tistising, ka tasmani lena, i a mugumugu na tene etabor torom o God, uni di sa tumus tari una Buk Tabu lena, ‘Gong u watung laulau tu mugumugu anun anum a taro.’” Kis 22:28

A Pas anun o Jud 1:10

Ikut a taro ri det wasiso laulau una kum utna ra ka det talapor uni. Ma anundet a mananos i elar kut nama mananos anun a kum wewegua, ra det muri kut a nemnem ina pinindet. A utna ra, det in iru uni.

A Pas anun o Jud 1:8

A taro ra det sa ruk taru torom mot, det kai det sakino elar nam det ra. Det nurnur un asau ra det tama i una kum ririon. Una nurnur ra, det ban udur a pinindet melet ut nama kum sakino petutna, ka det nemi sur det in kis utuntudu ina warkurai anun o God, ma det watung laulau a kum ensel tagisapat netes.

2 Pita 2:10

Ma a Labino in warkurai dekdek det ra det mur a kum dur na nemnem ina pinindet, ma ka det nem na kis utuntudu in anun a warkurai. A kum torotoro na tene ususer ra, ka det ngara, ma det ulabo pas det ut. Ka det ngara ra det watung laulau a kum ukukis ra kusapat una langit.

1 Pita 4:4

Ra uniri, a kum paspasa mot det kisin doko, ra ka mot nemi melet mo sur mot in pam a kum laulau na petutna ra, tomo nam det, ra det watung laulau mot.

1 Korin 6:10

ma a kum tene wolong, ma a kum matano muk, ma a kum tene ininum, ma det ra det emang, ma det ra det ras pas a ututna ra awu sur anundet, det rop ra, ka det in rakon a matanitu anun o God.