A Pas anun o Pol torom a taro Rom 9:4 - Nupela Testamen long tokples Kandas

⁴ Det a taro Israel, ra o God i ras pas det sur det a kum nutnutunu. I ese anun a minamar tandet, i pam a kum kunubus tomo nam det, i pitar tar a kum Warkurai tandet, i ese tar det una kisapi na lotu mulus, ma i uliliman tar det.

A Pas anun o Pol torom a taro Rom 9:4 Referans Kwoze

Epeses 2:12

Mot in nuk pasi lena, numugu ra mot kis gisen utmakai gusun o Karisito, mot awu sur a taro Israel, ma a kum kunubus ra o God i uliliman taru nami, awu sur anumot. Ma una numot a nilaun nin una rakrakon bual ka mot tasman o God, ma katu wakak na utna ra mot in kis langlang suri nama nurnur.

A Pas anun o Pol torom a taro Rom 9:6

Ra a watungi lenra, awu sur a watungi lena o God ke pam sot pas anun a liliman torom a taro Israel, awu. Uni awu sur a taro Israel rop, det a taro Israel mulus umatan o God.

Aposel 2:39

Uni a etabor ri ra o God i sa uliliman taru uni, in nan torom mot, ma torom a kum nutnutu mot, ma det utkai ra det kis bakbak. In nan torom det rop, ra a Labino anundat a God in kabo pas det toromi.”

Ibru 9:1

Una mugano kunubus, a kum warkurai na lotu ma a rumu na sel ra di lotu uni nin upiso.

A Pas anun o Pol torom a taro Rom 8:15

Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, “Aba, Tita.”

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

Ibru 9:10

A kum warkurai ri tagun a inangon ma a ininum ma a kum pinapam na gos talapor a taro umatan o God. Det a kum warkurai kut tagun a pinindat. Det tur kut, tuk una bung ra o God i umatok a kum utna.

Ibru 9:3

Ma numur tan a manru nin namalu na minabat kutus, ara kukur rumu bulung ra di watungi a nubual ra i Tabu Sakit.

A Wakak na Wasiso un o Iesu Karisito o Jon i tumusi 1:47

O Iesu i tama pas o Natanael i wan nanan toromi, ra i watungi lena, “A te Israel mulus ut ri, ke tasman a torotoro.”

Matiu 21:33

“Mot in longoro ara wasiso elelar bulung ri: Ara musano i marut tar a kinobot na wain, ra i pam bat tari namin noworo. Tiro ubalan a kinobot, i kil tar in nutung sur din pas reseng a wino wain uni, sur a polono in nanpat. Ma i pam tar a nat na rumu lekeleke sur a tene tamtamabat. Numur i pitar tar a kinobot munung tan a ramano kum tene pinapam sur det in tamtamabati, ra i wan sur ara tamon gisen.

A Pas anun o Pol torom a taro Rom 3:2

Ra taio a te Juda i wakak doko toromi. A mugano utna ut, o God i sa ubek tar anun a wasiso una laman a taro Juda.

2 Korin 11:22

Det warango pas det lena, det a kum te Ibru, niko? Iau kai a te Ibru. Det a kum te Israel, niko? Iau kai a te Israel. Det a kum nutnutun o Abaram, niko? Iau kai a nutun o Abaram.

Galesia 3:16

Lenkutkai ra, o God i sa uliliman taru torom o Abaram ma torom o nutunu. O God awu sur i watungi lena, “torom a kum nutnutunu.” Gunuk ra in watungi torom a kum nutnutunu, a kukuraino ra a susut na taro. Ikut i watungi lenri, “torom o nutunu,” a kukuraino lena ara musano kut, i a Karisito.

Ibru 9:5

A wopop bat ina boks ra, a kum tene etabor torom o God det ser lamir a gap sapat uni, sur o God in unus ru a sakino petutna anun a taro. Aru toktok ina ru ukukis kura der netes una boks ra, ra der upuaso a minamarin o God. A kum mebender i rakup bat a boks ra. Ikut uniri awu sur a du bung sur din papalos una kum utna rop ri.

Ibru 9:6

Ra di sa waninar rop tar a kum utna una rumu na sel, a kum tene etabor det rukruk ma det pirpirso una kum bung rop una mugano kukur rumu, sur det in pam anundet a pinapam.