A Pas anun o Pol torom a taro Rom 8:15 - Nupela Testamen long tokples Kandas

¹⁵ Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, “Aba, Tita.”

A Pas anun o Pol torom a taro Rom 8:15 Referans Kwoze

2 Timoti 1:7

Uni o God ke tabor dat nama nion na nginara, awu. I tabor dat nama Tokodos na Nion ra i pitar a dekdek torom dat, ma a marmaris ma a petutna ra ara taktakai in tamtamabat wakak anun a nilaun.

1 Korin 2:12

Ma met, ka met rakon a nion taginin una rakrakon bual, awu. O God i tabor met nama Tokodos na Nion, sur met in tasman lele a kum etabor rop ra i tabor oros tar met kut nami.

A Pas anun o Pol torom a taro Rom 8:16

Ma a Tokodos na Nion i wasiso puaso una niondat lena dat a kum nutnutun o God.

Ibru 2:15

O Iesu i mat sur in ulangolango det ra a nginara na minat i ker det una nundet a kum bung na nilaun rop.

Epeses 1:5

Una nun a marmaris, numugu utmakai i sa tasmani lena in ras pas dat sur dat a kum nutnutunu, una pinapam anun o Iesu Karisito ra i ulaun dat. Una nun a nemnem ut ma una nun a gasgas i pami lenri.

1 Jon 4:18

Katu nginara i kis una marmaris. Ra a marmaris in bukus un taio, in lakro ru a nginara. Ikut, ra taio i ngara, i ese i lena, anun a marmaris ke bukus, ma i nuki lena in iru una warkurai na minabalu.

A Wakak na Wasiso un o Iesu Karisito o Mak i tumusi 14:36

I wararing lena, “Tita, Tita, a kum utna rop i topas ui un pami, un los ru a kap na mamaut ri gusun iau. Ikut gong u mur anung a nemnem, un muri ut anum a nemnem.”

A Pas anun o Pol torom a taro Rom 8:23

Ma awu sur a kum ukukis kut, dat kai, ra o God i sa pitar tar a mugano etabor torom dat, a Tokodos na Nion, dat kai dat kis langlang nama tinangis nin ubalandat, nama labino nemnem sur a du bung ra o God in ras dat sur dat a kum nutnutunu, ma in ulangolango a pinindat.

Luk 11:2

Ra o Iesu i watungi tandet lena, “Ra mot in wararing, mot in wararing lenri, ‘Tamamet, i wakak ra din ru a risam. I wakak ra anum a matanitu in nanpat.

A Wakak na Wasiso un o Iesu Karisito o Jon i tumusi 20:17

O Iesu i watungi tano, “Gong u pam a pining, uni ka wan toto utmakai torom o Tita. Ikut un nan torom a kum tistising, ra un inanos det lena, an nan usapat netes torom o Tita, i ra a Tamamot kai, torom anung a God, i ra anumot a God kai.”

Luk 22:42

“Tita, ra u nemi, un los ru a kap na mamaut ri gusun iau. Ikut gong u mur anung a nemnem, un muri ut anum a nemnem.” [

A Wakak na Wasiso un o Iesu Karisito o Jon i tumusi 16:8

“Ra in nanpat, in ese a taro una rakrakon bual una nundet a sakino petutna, ma in ese det kai una tokodos na petutna ma una warkurai anun o God.

Aposel 16:29

A tene tamtamabat i kakabo sur lako kum lam, ra i kalabor ruk lakit torom o Pol ma o Sailas. I ngara ma i neneder, ra i puku pirso taru numugu tander.

Aposel 2:37

Det longoro a wasiso ri, ra i so a balandet, ma det ting o Pita ma a kum aposel lena, “A kum tistisi met, asau met in pami?”

Luk 8:37

Ma a taro rop tagitiro una papor anun a kum Gerasa det saring o Iesu sur in nan gisen gusun det, uni det ngara doko. Ra o Iesu i kas melet una pot ma i wan.

Luk 8:28

Ra i tama pas o Iesu, i kukukuk, ma i puku pirso taru nisan aru kikino, ma i kukukuk namin labino walngano lena, “Iesu, a Nutun o God a Labino Sakit, asau ra u nem na pami un iau? A saring ui, gong u ukadik iau.”

Jems 2:19

U nurnur lena o God i ara kut. I wakak. A kum laulau na nion kai det nurnur lenra, ma det ngara suri, ra det neneder.

A Pas anun o Pol torom a taro Rom 8:26

Lenkutkai ra, a Tokodos na Nion ut i ser warut dat, uni kalako dekdekin dat. Ka dat tasman asau ra dat in wararing suri, ikut a Tokodos na Nion ut i ser wararing torom o God sur dat. I wararing nama dekdek na tartaramo ra ka din palos lar pasi nama wasiso.

A Pas anun o Pol torom a taro Rom 9:4

Det a taro Israel, ra o God i ras pas det sur det a kum nutnutunu. I ese anun a minamar tandet, i pam a kum kunubus tomo nam det, i pitar tar a kum Warkurai tandet, i ese tar det una kisapi na lotu mulus, ma i uliliman tar det.

2 Korin 11:4

Uni mot gas sur mot in longoro taio ra i wanpat torom mot, ma i warawai un ara Iesu gisen, ma awu sur un o Iesu ra met warawai nami. Ma mot gas kut sur din tabor mot nam tu nion gisen, ra awu sur a Tokodos na Nion. Ma mot gas kut sur mot in longoro tu Wakak na Wasiso gisen, ra awu sur a Wakak na Wasiso ra mot sa nurnur uni.

Galesia 2:4

Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda.

Galesia 5:1

O Karisito ut i sa ulangolango pas dat, sur dat in langolango mulus. Mot in tur dekdek, ma gong mot madek tar taio sur in ker ukai mot sur mot in elar nama kum tene ititula melet.

Matiu 25:25

A ngaran ui, ra a wan, a por eno tar anum a mani. Iri melet mi anum a mani.’