A Pas anun o Pol torom a taro Rom 4:17 - Nupela Testamen long tokples Kandas

¹⁷ Elar nami ra di sa tumus tari una Buk Tabu: “A ukis tar ui sur ui a taman a taro tagun a susut na gapman.” Stat 17:5 Umatan o God, o Abaram a tamandat, uni i nurnur un o God, i ra i ser ukatutur a taro melet gusun a minat, ma i ser wasiso kut, ra a kum utna ra kabaut i wanpat, i wanpat kut.

A Pas anun o Pol torom a taro Rom 4:17 Referans Kwoze

1 Korin 1:28

O God i pilok pas a kum utna ra a taro tagun a rakrakon bual det unatino pasi, ma a kum utna ra det ngeti, ma a kum utna ra det nuki lena a kum utna oros kut, sur a kum utna ra i labo torom det, in utna oros mukut.

A Wakak na Wasiso un o Iesu Karisito o Jon i tumusi 5:21

O Nutunu in tabor det ra i nemi sur in tabor det nama nilaun, elar nam o Tamano i ukatutur pas a kum minat, ma i tabor det nama nilaun.

1 Pita 2:10

Numugu, awu sur mot a taro anun o God, ikut uniri mot anun a taro. Numugu ka mot rakon a marmaris anun o God, ikut uniri mot sa rakoni.

A Wakak na Wasiso un o Iesu Karisito o Jon i tumusi 6:63

A Nion, i ra i pitar a nilaun. A dekdekin a pinin a musano, katu utna i gas uni. A kum wasiso ra a watungi tamot, i a nion ma i pitar a nilaun.

A Pas anun o Pol torom a taro Rom 8:11

A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.

A Wakak na Wasiso un o Iesu Karisito o Jon i tumusi 5:25

A inanos mot nama lingmulus, a du bung in nanpat, ma iri i sa wanpat, ra a kum minat det in longoro in nalngan a Nutun o God, ma det ra det longoro i det in laun.

Ibru 11:12

I mo ra, anun a kabotaro det susut elar nama kum nangnang sapat netes una maino, ma elar kai nama woio taginago una usalin, ra ka din luk lar pasi. Det wanpat kut tagun ara musano ra i takano laulau.

A Pas anun o Pol torom a taro Rom 3:29

Pepetlai, o God i a God anun a taro Juda kut? Pepetlai, i a God anun a taro gisen utkai? Lingmulus, i a God anun a taro gisen utkai.

2 Pita 3:8

A kum wakak na paspasang, gong mot dumano ara utna ri: Umatan a Labino, ara bung i elar nam ara arip na kilalo, ma ara arip na kilalo i elar kut nam ara bung umatano.

Ibru 11:7

O Noa i longoro a utumarong anun o God toromi una kum utna ra in nanpat ra ka di tama i utmakai. Ra una nun a nurnur, i ru pas o God ma i mur anun a wasiso, ma i pam a sip, ra i ulaun pas det tamtamano uni. A nurnur anun o Noa i upuaso a kum sakino petutna anun a taro una rakrakon bual, ra o God i kuro det uni. Ma o God i watung o Noa a tene tokodos, kibino una nun a nurnur.

1 Timoti 6:13

A inanos ui umatan o God, i ra i pitar a nilaun torom a kum utna rop, ma umatan o Karisito Iesu i ra i wasiso talapor uni ut umatan o Pontias Pailat. A inanos ui lenri:

A Pas anun o Pol torom a taro Rom 9:26

Ma o Hosea i watungi kai lena, “Una tamon ra numugu o God i watung tari tandet lena, ‘Mot awu sur anung a taro,’ din watung det ‘a kum nutnutun o God, ra i laun.’” Os 1:10

1 Korin 15:45

Elar nami ra di sa tumus tari una Buk Tabu lenri, “A mugano musano, o Adam, o God i pitar tar a nilaun toromi.” Stat 2:7 Ikut a ururop na Adam, i a Nion ra i tabor a taro nama nilaun.

A Pas anun o Pol torom a taro Rom 4:2

Gunuk ra o God i watung o Abaram lena i tokodos, kibino una kum wakak na pinapam ra i pami, i topasi ra o Abaram in ulabo pasi ut uni. Ikut awu, ken ulabo lar pasi umatan o God.

Matiu 3:9

Ma gong mot nuki lena, o God ken warkurai mot uni mot a kabotaro anun o Abaram. A inanos mot lena, o God in pet lari sur in pam pat pas a kabotaro anun o Abaram tagun a kum watat ri.

A Pas anun o Pol torom a taro Rom 4:18

O God i uliliman tar o Abaram sur in ulabo pas tu nutunu. Una tamtama anun o Abaram, ke sot sur din pam sot pas a liliman ra. Ikut, i nurnur, ra i wanpat a taman a taro tagun a susut na gapman. Elar nama liliman anun o God toromi lena, “A kum tumtubum det in susut.”

A Pas anun o Pol torom a taro Rom 9:11

Ra ka di usus der utmakai, o God i watungi torom o Rebeka lena, “A mugano in papam torom a murmur.” Stat 25:23 I watung a wasiso ri, ra aru nat ka der pami utmakai tu wakakino o tu sakino. O God i pami lenra, sur anun a pipilok in elar ut nam anun a nemnem. O God, i ra i ser kabo pas a taro, i pilok pas det ra i nem det, awu sur un tu pinapam ra det sa pam tari.

Ibru 11:3

Una nundat a nurnur, dat tasmani lena o God i ukis a rakrakon bual nam anun a wasiso. Ra asau ra dat tama i, o God i pami tagun asau ra ka di tama i.