A Pas anun o Pol torom a taro Rom 15:15 - Nupela Testamen long tokples Kandas

¹⁵ Ikut, a tumus a pas ri torom mot, ma a wasiso dekdek una a ramano kum utna, sur mot in nuknuk melet uni. A tumtumus torom mot, uni o God i pitar anun a marmaris torom iau,

A Pas anun o Pol torom a taro Rom 15:15 Referans Kwoze

A Pas anun o Pol torom a taro Rom 12:3

Una marmaris anun o God, a watungi torom mot rop lena: Gong mot nuk ulabo pas mot ut. Mot in nuknuk wakak un mot, elar ut nama nurnur ra o God i sa pitar tari torom mot.

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

A Pas anun o Pol torom a taro Rom 12:6

Una marmaris anun o God i pitar tar a kum se etabor torom dat. Osi ra i pitar tar a etabor na wasiso na poropet toromi, i wakak sur in papam nami, elar nam anun a nurnur.

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

1 Jon 5:13

A kum utna ri a tumusi torom mot, ra mot nurnur una risan a Nutun o God, sur mot in tasmani lena, mot sa utur ukai a nilaun tukum.

2 Pita 3:15

Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano.

1 Pita 5:12

O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.

Ibru 13:22

A kum tistising, a saring pas mot sur mot in longoro wakak a wasiso na warut ri, uni a pas ri a tumusi torom mot awu sur i walos.

Taitus 3:1

Un inanos melet anum a taro sur det in urur torom a kum mugumugu tagun a gapman, ma torom det rop ra a warkurai kura un det. Det in mur anundet a kum wasiso, ma det in kis na waninar sur det in pam a kum wakak na pinapam.

2 Timoti 2:14

Gong u mana nama wasiso torom anum a taro nama kum etowo ri. Un utumarong det umatan o God lena, gong det engaras una kum wasiso, uni ke gas un tu utna, ma in ban laulau det ra det longoro i.

2 Timoti 1:6

I mo ra a inanos ui melet sur un ukatutur melet anum a etabor, elar nama sungun ra di wupi ra i kunabor. A etabor ra, o God i tabor ui nami una bung ra a ubek aru lamang netes un ui.

1 Timoti 4:6

Ra un ususer a kum tistisim nama kum etowo ri, ui a wakak na tultul anun o Karisito Iesu. Una pinapam ri in talapor lena u labo pat una nurnur mulus, ma a wakak na etowo ra u muri.

Galesia 2:9

O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam.

1 Korin 3:10

Kibino una marmaris anun o God ra i sa pitar tari tang, a papam elar nama tene pam rumu ra i mananos. A sa utur tar a kibin a rumu, ra ara taro bulung det papam netes uni. Det rop taktakai ra det papam netes uni, det in tumarong det una si na ngas na pinapam ra det in pami.