A Pas anun o Pol torom a taro Rom 12:16 - Nupela Testamen long tokples Kandas

¹⁶ Mot in tur tomo nama wakak na petutna etetalai torom mot. Gong mot nuk ulabo pas mot, mot in gas sur mot in kis tomo nama taro ra ka di ulabo pas a risandet. Ma gong mot nuki lena mot mananos doko.

A Pas anun o Pol torom a taro Rom 12:16 Referans Kwoze

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.

Ibru 13:5

Mot in tamtamabat mot sur mot in langolango gusun a nemnem sur a mani. Mot in gas kut nama sau ra kura tamot. Uni o God i sa watung tari lena, “Kan madek ru ui, ma kan nan gusun ui.” Lo 31:6

A Pas anun o Pol torom a taro Rom 15:5

A wararing lena o God ut, ra i ser udekdek anundat a nurnur, ma i ser warut dat, in dat tomo mot sur in takai kut a nuknuki mot, ra mot mur a nilaun anun o Karisito Iesu.

A Pas anun o Pol torom a taro Rom 12:3

Una marmaris anun o God, a watungi torom mot rop lena: Gong mot nuk ulabo pas mot ut. Mot in nuknuk wakak un mot, elar ut nama nurnur ra o God i sa pitar tari torom mot.

1 Korin 3:18

Gong mot toro mot ut melet. Ra taio tagun mot i nuki lena i mananos nama ngas na mananos taginin una rakrakon bual, i wakak sur in longlong umatan a taro, sur in mananos mulus umatan o God.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

A Pas anun o Pol torom a taro Rom 11:25

A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God.

Luk 14:13

Ra u waninar pas a inangon, un ben pasi kut a kum sibo na taro, det ra a pinindet i mat, det ra det kaukawar kut, ma a kum pulu.

1 Korin 8:2

Ra taio i nuki lena i sa mananos doko un tu utna, anun a mananos ke sot utmakai.

1 Korin 6:5

A watungi lenri torom mot sur mot in maimai uni. Pepetlai, kataio tagun mot i mananos sur in pam a warkurai una kum mamaut epotor tan a kum tene nurnur?

Pilipai 4:2

A saring mur o Ewodia ma o Sintike sur in takai kut a nuknuki mur, uni mur anun a Labino.

1 Korin 4:10

A taro det nuki lena met a kum longlong uni met ser mur o Karisito. Ikut mot, mot nuki lena mot sa mananos rop una numot a nilaun un o Karisito. Met, ka met dekdek, ikut mot, mot nuki lena mot dekdek. Mot, di ulabo pas mot, ikut met, di tama pisopiso met.

Luk 6:20

O Iesu i tama anun a taro na ususer ra i watungi lena, “Mot ra mot sibo, mot dan, uni a matanitu anun o God, anumot!

Matiu 26:11

A kum sibo na taro det in laun bolbolos tomo ut nam mot. Ikut iau, kan kis tukum nisamot.

Matiu 11:5

A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro.

1 Pita 5:3

Gong mot ulabo pas mot, ma mot warkurai dekdek det, ra di sa pitar tar det una numot a tamtamabat. A magiramot in wakak sur a kum sipsip det in tama i ma det in muri.

Pilipai 3:16

Ikut dat in mur a wakak na nilaun ra dat sa utur ukai pasi.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

1 Korin 1:10

A kum tistising, a saring mot nama risan anundat a Labino o Iesu Karisito, sur mot rop mot in tur tomo, ma gong mot taptapagol. Ma in takai kut a nuknuki mot, ma anumot a nemnem kai.

Aposel 4:32

A kum tene nurnur rop, i takai kut a nuknukin det ma a balandet, ma kataio tagun det i watung tu utna sur anunu kut. Det ubek tomo a kum utna sur anundet rop.

3 Jon 1:9

A sa tumus tar a pas torom a taro na lotu una num a tamon, ikut o Diotrepes i ra i nem doko i sur in mugumugu anumot, ke ser longoro met.

A Pas anun o Pol torom a taro Rom 6:2

Awu! Dat mat gusun anundat a sakino petutna. Dat in laun pepetlai melet mo uni?

A Pas anun o Pol torom a taro Rom 11:20

A lingmulus ut, o God i pak ru det uni ka det nurnur. Ikut mot, mot tur dekdek uni mot nurnur. Gong mot ulabo pas mot, mot in ngara.