A Pas anun o Pol torom a taro Rom 11:16 - Nupela Testamen long tokples Kandas

¹⁶ An wasiso elelar lenri: Ra a mugano du beret di pitari torom o God, elar nama ngasino anun a taro Israel, in kudulano beret rop anun o God. Ra a wakakor nin nanai di pitari torom o God, a kum kanokano kai anun o God ut.

A Pas anun o Pol torom a taro Rom 11:16 Referans Kwoze

Jems 1:18

Una nun a nemnem ut, o God i usus matok dat nam anun a lingmulus na wasiso. I pilok pas dat gusun a kum utna na ukukis rop, sur dat in elar nama kum mugano wino duwai ra di ser etabor nami torom o God.

A Pas anun o Pol torom a taro Rom 11:17

A taro Israel det elar namin nanai na oliw mulus, ma mot a taro gisen mot elar namin lomlom nin nanai na oliw. O God i pak ru a ramano kum kano gusun in nanai na oliw mulus. I los pas a ramano kum kano lomlom na oliw, ma i pam a bading tomo namin nanai na oliw mulus. Ra uniri, mot laun tagun a polo ra i wan gusun a wakakor nin nanai na oliw mulus.

Tamtama 14:4

Det ri, katu dur un det, uni ka det inep tomo nama wardain. Det ser mur a Barman na Sipsip una kum nubual ra i ser wan iai. O God i kul langolango pas det taginin epotor tan a taro una rakrakon bual, sur det in elar nama mugano wino ra di ser tabor o God ma a Barman na Sipsip nami.

1 Korin 7:14

Uni a musano ra awu sur a tene nurnur, i anun o God, kibino una nun a ino ra i nurnur, ma a ino ra awu sur a tene nurnur, i anun o God, kibino una nun a musano ra i nurnur. Ra awu, a kum nutnutu mot, det in dur. Ikut, det sa talapor, det a taro anun o God.

A Pas anun o Pol torom a taro Rom 8:23

Ma awu sur a kum ukukis kut, dat kai, ra o God i sa pitar tar a mugano etabor torom dat, a Tokodos na Nion, dat kai dat kis langlang nama tinangis nin ubalandat, nama labino nemnem sur a du bung ra o God in ras dat sur dat a kum nutnutunu, ma in ulangolango a pinindat.