A Pas anun o Pol torom a taro Rom 1:25 - Nupela Testamen long tokples Kandas

²⁵ Det keles ru a lingmulus na etowo anun o God sur a torotoro. Det lotu ma det wararing mukut torom a kum utna ra o God i ukis tar det, ma ka det lotu mo torom a Tene Ukukis, i ra din watung ulabo pasi ma in tur tukum. Amen.

A Pas anun o Pol torom a taro Rom 1:25 Referans Kwoze

2 Korin 11:31

O God, i ra a God anun a Labino o Iesu ma i o Tamano, ra a wasiso na ululabo toromi ken rop ma ken rop, i tasmani ut lena, ka toro.

A Pas anun o Pol torom a taro Rom 9:5

Det a kabotaro anun o Abaram, o Aisak ma o Jekop. Ra o Karisito i wanpat a musano mulus, i wanpat tagun det, i a Karisito ra i warkurai sur a kum utna rop, ma i ut ra o God. Dat in watung ulabo pasi, ma ken rop. Amen.

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.

A Pas anun o Pol torom a taro Rom 1:23

Ka det lotu torom o God ra i laun tukum, ma i bukus nama minamar. Det lotu kut torom a kum toktok ina kum musano ra det ser mat kut, ma torom a kum toktok ina kum piko, ma a kum wewegua, ma a kum utna ra det kaukawar nin upiso.

2 Timoti 3:4

Det in usobor a kum paspasan det, det in pam a kum tuptup na petutna, det in ulabo pas det ut, det in nem doko a gasgas tagun a rakrakon bual, ma ka det in nem o God.

A Pas anun o Pol torom a taro Rom 1:18

O God i upuaso anun a kankan tagisapat una langit, uni a taro ka det mur a petutna ra i wakak umatano, ma det pam a sakino, ma una nundet a kum sakino petutna, det turbat a lingmulusino.

Matiu 6:24

“Katutaio in pet lar pasi sur in papam torom lako ru mugumugu. In nget ara pasander, ma in nem ara pasander, in nem doko ara, ma in rosumur gusun ara. Ka mot in papam lar pas torom o God ma torom a mani kai.

1 Tesalonaika 1:9

Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun.

1 Timoti 1:17

Dat in pitar a urur ma a wasiso na ululabo torom a King ra i laun tukum, ma ken mat, i ra ka dat tama i, ra i sot kut a God. A wasiso na ululabo toromi ken rop ma ken rop. Amen.

1 Timoti 1:11

A tokodos na etowo i kis una Wakak na Wasiso, ra o God i pitar tari tang sur an wasiso talapor nami. A Wakak na Wasiso ri, i wan tagisapat tan o God, a God na minamar ra i dan tukum.

Matiu 10:37

“Osi ra i nem doko o tamano ma o nano, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o tamano ma o nano. Ma osi ra i nem doko o nutunulik, a nat na musano o a ino, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o nutunulik.

Epeses 3:21

Dat tomo nama taun taro rop numur, dat in rakon lekeleke pasi, ken rop ma ken rop, una kum lamlabino utna i sa pam tari una taro na lotu, ma un o Karisito Iesu. Amen.

A Wakak na Wasiso un o Iesu Karisito o Jon i tumusi 2:8

Ra o Iesu i tulu det lena, “Mot in itup pas lako danim tagun a kum koto, ma mot in losi torom a mugumugu na lukaro.” Ra det pami ut lenra.