A Pas anun o Pol torom a taro Rom 1:1 - Nupela Testamen long tokples Kandas

¹ Iau o Pol, a tultul anun o Karisito Iesu, a tumus a pas ri torom mot. O God i kabo pas iau, sur an aposel, ma i pilok pas iau sur an warawai nama nun a Wakak na Wasiso torom a taro.

A Pas anun o Pol torom a taro Rom 1:1 Referans Kwoze

Aposel 9:15

Ikut a Labino i watungi tano lena, “Un nan kut, uni a sa pilok pasi, sur i anung a tene pinapam. In wasiso puaso una risang torom a taro ra awu sur a taro Israel, torom a kum king, ma torom a taro Israel kai.

A Pas anun o Pol torom a taro Rom 15:16

sur an tene pinapam anun o Karisito Iesu torom a taro ra awu sur a taro Juda. A elar nama tene etabor torom o God. A warawai nama Wakak na Wasiso anun o God, sur a taro ra awu sur a taro Juda, det anung a etabor torom o God ra in gas nami. Ma a Tokodos na Nion i sa rus talapor tar det.

1 Korin 1:1

Iau o Pol, ra o God i kabo pas iau, elar ut nam anun a nemnem sur an aposel anun o Karisito Iesu. Mir nam o Sostenes a tisindat, mir tumtumus

Kolosi 1:1

Iau o Pol, a aposel anun o Karisito Iesu una nemnem anun o God. Mir nam o Timoti a tisindat una nurnur, mir tumtumus

Taitus 1:1

Iau o Pol, a tultul anun o God ma a aposel anun o Iesu Karisito, sur an warut a nurnur anun a taro na pipilok anun o God, ma an ususer det sur det in tasman a lingmulusino. A lingmulusino ra in ben det sur det in mur a petutna ra i wakak umatan o God.

A Pas anun o Pol torom a taro Rom 1:9

A papam torom o God nama nung a nilaun rop, ra a ser warawai nama Wakak na Wasiso un o Nutunu, ma o God ut i tasmani lena, a ser nuk pas mot

2 Korin 1:1

Iau o Pol, a aposel anun o Karisito Iesu, una nemnem anun o God, mir nam o Timoti a tisindat, mir tumus a pas ri torom mot a taro na lotu anun o God tiro o Korin, ma torom a taro rop anun o God una papor Akaia.

1 Korin 9:1

A sa langolango. Iau a aposel. A tama tari ut o Iesu anundat a Labino. Anumot a nilaun tomo nama Labino, i a wino tagun anung a pinapam.

2 Timoti 1:11

O God i sa pilok pas iau sur an tene warawai nama Wakak na Wasiso, an aposel ma an tene ususer kai uni.

1 Timoti 1:1

Iau o Pol, a aposel anun o Karisito Iesu, una itula anun o God, anundat a Tene Ulaun, ma o Karisito Iesu, o naro ra dat kis langlang suri nama nurnur.

Galesia 1:1

Iau o Pol, a aposel, a tumus a pas ri torom mot. Katutaio taginin upiso i pilok pas iau sur an aposel, ma awu sur a taro kai det tulu iau sur an pam a pinapam ri. O Iesu Karisito ut ma o God o Tamano der tulu iau, o God ra i ukatutur melet pas o Iesu gusun a minat.

1 Timoti 2:7

Iri a kibino ra o God i pilok pas iau, sur an aposel ma an warawai nama Wakak na Wasiso, ma an ususer a taro ra awu sur a taro Juda nama nurnur mulus. A watung a lingmulus, awu sur a toro.

1 Tesalonaika 2:2

Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul.

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

Pilipai 1:1

Iau o Pol, mir nam o Timoti, aru tultul anun o Karisito Iesu, mir tumtumus torom mot, a taro rop anun o God, tiro una tamon Pilipai. Torom mot ra mot laun un o Karisito Iesu, ma mot kai a kum mugumugu na lotu ma a kum tene warut.

Tamtama 1:1

A buk ri, a wasiso puaso anun o Iesu Karisito, ra o God i pitar tari tano, sur in ese tar anun a kum tultul una kum utna ra milau in nanpat. O Iesu i tulu ru anun a ensel torom anun a tultul o Jon, sur in wasiso puaso una kum utna ri tano.

A Pas anun o Jud 1:1

Iau o Jud, a tultul anun o Iesu Karisito ma a tisin o Jems. A tumus a pas ri torom mot ra o God a Tamandat i sa kabo pas mot, ma i maris mot, ma mot kis una tamtamabat anun o Iesu Karisito.

2 Pita 1:1

Iau o Saimon Pita, a tultul ma aposel anun o Iesu Karisito. A tumtumus torom mot, ra o God i sa tabor tar mot nama wakak na nurnur, elar nami ra i tabor met kai nami, kibino una tokodos na petutna anun o Iesu Karisito, i ra a God anundat, ma anundat a Tene Ulaun.

Jems 1:1

Iau o Jems a tultul anun o God ma anun a Labino o Iesu Karisito, a tumus a pas ri torom mot a noino ma aru kabotaro Israel. Mot kis sarara una kum tamon una rakrakon bual, uni det nem na um doko mot. A marmaris torom mot.

Ibru 5:4

Di ser pitar a labino urur una pinapam na mugumugu na tene etabor torom o God, ma katutaio in los a tinibo ra, una nun a nemnem ut, awu. In losi kut una kakabo ut anun o God, elar nami ra i pami un o Aron.

Pilipai 2:11

ma det rop det in watung puaso i lena, o Iesu Karisito i a Labino, sur det in ulabo pas o God a Tamandat.

Epeses 4:11

I ut ra i tabor anun a taro nama kum aposel, a kum poropet, a kum tene wasiso talapor nama Wakak na Wasiso, ma a kum pasta, ma a kum tene ususer,

Epeses 1:13

Ma mot kai tagun o Karisito, uni mot longoro a lingmulus na wasiso ri, a Wakak na Wasiso lena o God in ulaun pas mot. Ra mot nurnur un o Karisito, o God i ubek tar anun a ukinalong un mot, a Tokodos na Nion, ra i sa uliliman mugu taru uni.

2 Korin 12:11

A sa watung tar a kum longlong na wasiso ri, uni ka mot nuki lena iau a aposel mulus. I lingmulus ut, iau a musano oros kut, ikut i tokodos sur mot in tama lele iau lena iau a aposel mulus, uni ka natino tandet ra mot watung det a kum lamlabino aposel.

2 Korin 11:5

Awu sur a nuki lena, a natino tandet ra mot watung det a kum lamlabino aposel.

2 Korin 4:5

Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu.

A Pas anun o Pol torom a taro Rom 1:16

Ka maimai una Wakak na Wasiso, uni i a dekdekin o God sur in ulaun pas a taro rop ra det nurnur. Torom met a taro Juda mugu, ma uniri torom mot kai, ra awu sur a taro Juda.

Aposel 22:21

Ikut a Labino i watungi torom iau lena, ‘Un nan, an tulu bakbak ru ui utong torom a taro ra awu sur a taro Juda.’”

Aposel 22:7

Ma a puku pirso una piso, ra a longoro in nalngan ara i watungi tang lena, ‘Sol, Sol, sur asau ra u ser ban laulau iau?’

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

Tamtama 22:9

Ikut i watungi tang lena, “Gong! Iau kai, a tultul kut, elar nam ui ma a kum tistisim, a kum poropet ma det rop kai ra det mur a kum wasiso tagun a buk ri. Un lotu torom o God!”

Kolosi 1:25

O God i ubek tar iau, sur iau a tultul anun a taro na lotu. I pitar tar a pinapam ri tang, sur an warawai nam anun a kum wasiso rop torom mot.

Epeses 1:1

Iau o Pol, a aposel anun o Karisito Iesu una nemnem anun o God. A tumus a pas ri torom mot a taro anun o God ra mot kis tiro o Epeses, mot a kum lingmulus na tene nurnur un o Karisito Iesu.

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

A Pas anun o Pol torom a taro Rom 16:18

A ngas na taro ra, awu sur det mur anundat a Labino o Karisito, awu. Det muri ut a nemnem ina pinindet. Det ser wasiso nama kum namnamin na wasiso ma a wasiso na ugasgas, sur det in usobor a taro ra ka det mananos wakak.

A Pas anun o Pol torom a taro Rom 15:29

Ma a tasmani lena, ra an nanpat torom mot, an bukus nama kum utna na nion ra o Karisito i udan tar iau nami, sur in warut mot.

A Pas anun o Pol torom a taro Rom 11:13

Uniri a tumtumus torom mot a taro ra awu sur a taro Israel. Mot tasmani lena a papam na aposel torom mot. Ma a ulabo pas anung a pinapam, uni i maut doko.

Aposel 27:23

Iau anun o God, ma a ser muri. Nanganong mirum, ara ensel anunu i wanpat torom iau.

Aposel 26:1

O Agripa i watungi tan o Pol lena, “A mulaot ui sur un wasiso talapor una kum etakun un ui.” Ra o Pol i kodos a lamano ra i turpasi sur in wasiso bati ut lena,

Aposel 13:9

Ra o Sol ra di watungi kai nam o Pol, i bukus nama Tokodos na Nion, i tama dekdek o Elimas,

A Wakak na Wasiso un o Iesu Karisito o Jon i tumusi 15:15

Kan watung mot melet mo lena a kum tultul, uni a tultul ke tasman a utna ra anun a labino i pami. Ikut a watung mot lena a kum paspasang, uni a sa watung rop tar a kum wasiso tamot ra a longoro i tan o Tita.

A Wakak na Wasiso un o Iesu Karisito o Jon i tumusi 12:26

Ra taio i nemi sur iau anun a Labino, i wakak sur in mur iau, ma i anung a tultul ra in kis tomo nam iau una dino ra an kis iai. Osi ra i papam torom iau, o Tita in ulabo pasi.

Tamtama 22:6

A ensel i watungi tang lena, “A kum wasiso ri, i lingmulus ma i topasi sur din nurnur uni. A Labino, o God ra i mugu a nion a kum poropet sur det in upuaso anun a kum wasiso, i tulu ru anun a ensel sur in ese tar anun a kum tultul una kum utna ra milau in nanpat.”

Ibru 7:26

O Iesu i a mugumugu na tene etabor, ra i sot sur in warut dat. Uni i tasur umatan o God, ma ka din takun lar pasi un tu sakino petutna, ma katu dur umatan o God. O God i ulabo gisen pasi sapat netes una langit, gusun a sakino taro.

Aposel 26:14

Ra met rop met sa puku pirso una piso, a longoro in nalngan ara i wasiso torom iau nama wasiso Ibru lena, ‘Sol, Sol, sur asau ra u ser ban laulau iau? Ui ut u um pas ui nama kum ukadik ra u pami un iau.’

Aposel 21:40

Ra a labino mugumugu i mulaot tari, o Pol i tur una leta ina rumu, ra i turbat a taro nama lamano. Ra det sa tur wowon, i wasiso tandet nama wasiso Ibru lena,

A Wakak na Wasiso un o Iesu Karisito o Jon i tumusi 15:20

Mot in nuk pas a wasiso ra a sa watung tari tamot lena, ‘A tultul ke labo taun anun a labino.’ Ra det ban laulau iau, det in ban laulau mot kai. Ra det mur anung a wasiso, det in muri kai anumot a wasiso.

A Wakak na Wasiso un o Iesu Karisito o Mak i tumusi 1:14

Ra di sa uruk tar o Jon una karabus, o Iesu i wan utiro una papor Galili, i warawai nama Wakak na Wasiso anun o God.

2 Korin 2:12

Ra a wanpat una tamon Troas, sur an warawai torom det nama Wakak na Wasiso anun o Karisito, a tama i lena, a Labino i sa papos saro tar anung a kisapi sur an warawai.

2 Korin 11:7

Pepetlai, a raro uni ka saring mot sur tu mani ra a warawai nama Wakak na Wasiso torom mot? A unatino pas iau nisamot, sur mot, mot in labo.

1 Tesalonaika 2:8

Metul nem doko mot, ra metul gas doko sur metul in inanos mot una Wakak na Wasiso anun o God. Awu sur i kut ra, awu, metul gas utkai sur metul in pitar anumetul a nilaun kai torom mot, uni mot labo doko umatametul.

1 Tesalonaika 2:9

A kum tistisi metul, mot sa tasman anumetul a dekdek na pinapam. Una kum mirum ma a waspi, metul papam nama lamametul sur u warut metul una numetul a kinkinis. Metul pami lenri, sur metul in warawai torom mot nama Wakak na Wasiso anun o God ma gong metul pitar a mamaut torom mot sur mot in kul metul.

1 Pita 4:17

A bung na warkurai i sa wanpat sur din warkurai mugu dat a taro anun o God. Ra a warkurai in turpasi un dat, in pepetlai torom det ra kura, ra det pitarngat una Wakak na Wasiso anun o God?