Pilipai 2:29 - Nupela Testamen long tokples Kandas

²⁹ Mot in gas pasi una risan a Labino nama labino gasgas, ma mot in urur torom a ngas na taro lenra,

Pilipai 2:29 Referans Kwoze

1 Timoti 5:17

I wakak sur din pitar a urur ma a wakak na ikul torom a kum mugumugu na lotu ra det pam wakak a pinapam. Din pami lenra torom det ra det papam dekdek una warawai ma a etowo.

1 Tesalonaika 5:12

A kum tistisi metul, metul saring mot sur mot in pitar a urur torom anumot a kum mugumugu, ra det papam dekdek epotor tamot, ma det tamtamabat mot una kisapi anun a Labino, ma det ususer mot.

1 Korin 16:18

Detul ugasgas pas a niong, ma a niomot kai. I wakak ra mot in tama lele a ngas na taro lenra, ma mot in pitar a urur torom det.

A Pas anun o Pol torom a taro Rom 16:2

A saring mot sur mot in gas pasi una risan a Labino, lar a kum tene nurnur det ser pami. Ma mot in waruti nam lako utna ra in sibo suri, uni i sa warut tar iau, ma a susut na taro kai.

2 Korin 10:18

Uni osi ra i watung ulabo pasi ut, o naro ra awu sur i labo umatan a Labino, ikut osi ra a Labino i watung ulabo pasi, i ra i labo.

1 Korin 16:10

Ra o Timoti in nanpat torom mot, mot in tamtamabati sur gong i ngara ra i kis nisamot, uni i pam a pinapam anun a Labino, elar nam iau kai a pami.

3 Jon 1:10

Ra an nanpat, an inanos mot una kum petutna ra i ser pami, a kum sakino wasiso eno i sa watung tari un met. Ma awu sur i kut ra, i kai ri, ke ser gas pas a kum tistisin dat ra det wanpat nama Wakak na Wasiso, ma i turbat det ra det nem na gas pas det. Ra taio i nem na gas pas det, o Diotrepes in umana ru i gusun a lotu.

Ibru 13:17

Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.

Kolosi 4:10

O Aristakus, ra i kis tomo nam iau una karabus, i pitar anun a marmaris torom mot, der nam o Mak a malin o Banabas. Ra o Mak in nanpat torom mot, mot in gas pasi, elar nama wasiso ra mot sa rakon mugu tari.

2 Korin 7:2

Mot in nem met nama balamot. Ka met pam tar tu sakino torom taio, ka met ben raro tar taio, ma ka met toro pas tu utna tan taio.

A Pas anun o Pol torom a taro Rom 10:15

Ra kataio i tulu a kum tene warawai, det in nan pepetlai nama wasiso? Elar nami ra di sa tumus tari una Buk Tabu lena, “A inawan pat anundet ra det wanpat nama Wakak na Wasiso, i wakak doko.” Ais 52:7

Aposel 28:10

Ma det pam a susut na wakak na pinapam torom met sur det in ese anundet a urur. Ma numur, ra met waninar sur met in kas una sip, det tabor met nama kum utna rop ra met sibo suri.

Aposel 8:8

Ma a taro tagun a tamon ra, det gas doko.

Aposel 2:46

Det ser kis tomo ubalan in noworo ina rumu na etabor una kum bung rop. Ra det ser wangon tomo una nundet a kum rumu nama gasgas ma a lingmulus ubalandet.

A Wakak na Wasiso un o Iesu Karisito o Jon i tumusi 13:20

A inanos mot nama lingmulus, osi ra i gas pas o naro ra a tulu i, i gas pas iau utkai. Ma osi ra i gas pas iau, i gas pasi utkai o naro ra i tulu ru iau urin.”

Luk 9:5

Ra lako taro ka det in gas pas mot, ra mot in nan gusun anundet a tamon, mot in tang ru a kubus gusun a kikimot, sur a ukinalong na utumarong torom det.”

Pilipai 2:28

I mo ra a nem doko i sur an tulu ru i torom mot, sur mot in tamtama tomo melet ma mot in gas, sur kan nuknuk melet.