Pilipai 1:23 - Nupela Testamen long tokples Kandas

²³ Aru nuknuking. Ara, a nem doko i, sur an nan ma an kis tomo nam o Karisito, i ra i wakak sakit tan ara pasander.

Pilipai 1:23 Referans Kwoze

2 Korin 5:8

Ikut met tasman mulusi lena, met in gas ra met in nan gusun a pinimet ri, ma met in kis tomo nama Labino.

Tamtama 14:13

Numur a longoro in nalngan ara tagisapat una langit i watungi lena, “Un tumus a wasiso ri: Det ra det mat nama nurnur una Labino, turpasi uniri ma tuk numur, det dan.” A Tokodos na Nion i watungi lena, “Lingmulus, det in mana gusun anundet a kum pinapam, uni anundet a kum pinapam ra det sa pam tari in nan tomo nam det.”

Aposel 7:59

Ra kura utmakai det dukuduku i, o Stiwen i wararing lena, “Labino o Iesu, un los pas a niong.”

Luk 23:43

Ma i balu i lena, “A inanos ui nama lingmulus, uniri un kis tomo nam iau una Paradais.”

2 Timoti 4:6

Uni i sa milau mo sur an mat ma a gaping in tilingis. In elar nama wain ra di lingisi una utna ra di tuni sur a etabor torom o God.

A Wakak na Wasiso un o Iesu Karisito o Jon i tumusi 17:24

“Tita, a nemi sur det ra u sa pitar tar det tang, det in kis tomo nam iau una tamon ra an kis iai, sur det in tama anung a minamar, a minamar ra u pitar tari tang, uni u nem iau numugu ra ko ukisi utmakai a rakrakon bual.

A Wakak na Wasiso un o Iesu Karisito o Jon i tumusi 12:26

Ra taio i nemi sur iau anun a Labino, i wakak sur in mur iau, ma i anung a tultul ra in kis tomo nam iau una dino ra an kis iai. Osi ra i papam torom iau, o Tita in ulabo pasi.

1 Tesalonaika 4:17

Numur dat ra dat laun utmakai, din los tomo pas dat nam det usapat una kum du bakut sur dat in etorom nama Labino una maino. Ra dat in kis tukum tomo nama Labino.

A Wakak na Wasiso un o Iesu Karisito o Jon i tumusi 14:3

Ra a sa waninar tar a dino sur mot, an milet melet, ma an ben pas mot torom iau sur mot kai mot in kis una tamon ra a ser kis iai.

Luk 12:50

Anung a baptais na ngunungut kura utmakai sur din baptaiso iau nami, ma iri a los a tarai na maut tuk ut ra din pam sot pasi.

1 Tesalonaika 2:13

Ara kibino kai ra metul ser watung wakak torom o God i lenri: Ra mot rakon ukai a wasiso anun o God, ra mot longoro i ta metul, mot mulaot pasi. Awu sur mot mulaot pasi elar nama wasiso kut anun a taro, awu, mot mulaot pasi uni a wasiso ra, i a wasiso ut anun o God. A wasiso ra, kura i papam una nilaun anumot ra mot sa nurnur.

A Wakak na Wasiso un o Iesu Karisito o Jon i tumusi 13:1

A labino bung na lotu na Wanlakai i sa milau, ra o Iesu i tasmani lena i sa milau sur in nan mo gusun a rakrakon bual, ma in nan torom o Tamano. I maris doko anun a taro ra det kis una rakrakon bual, ra uniri i ese anun a labino marmaris torom det, a marmaris ra katu tuktukino.

Luk 8:38

A musano ra a kum laulau na nion det sa pirso taru gusuni, i saring o Iesu sur in nan tomo nami. Ikut o Iesu i tulu ru i kut lena,

1 Tesalonaika 2:1

A kum tistisi metul, mot ut mot tasmani lena, anumetul a inawan pat torom mot ke utna oros, awu, i wu i ut a wino.

2 Korin 6:12

Ka met turbat anumet a marmaris torom mot, ikut mot, mot turbat anumot a marmaris torom met.

Pilipai 1:24

Ikut i wakak sakit sur an laun, ra an warut mot.