Pilipai 1:20 - Nupela Testamen long tokples Kandas

²⁰ A nurnur lena, kan pam tu utna ra an maimai uni. An tur dekdek ma kan ngara, sur an ulabo pas o Karisito una nung a kum petutna rop elar nami ra numugu a ser pami. Sako an laun o an mat, an ulabo pasi ut.

Pilipai 1:20 Referans Kwoze

1 Pita 4:16

Ikut ra taio i los a ngunungut, uni i a te Karisito, gong i maimai uni. In watung wakak torom o God, uni i los a risan o Karisito.

1 Korin 6:20

uni o God i sa kul pas mot nama labino kunukul doko. I mo ra mot in ulabo pas o God nama pinimot.

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

1 Jon 2:28

A kum nutnutung liklik, mot in kis tukum un o Karisito, sur gong dat ngara ma gong dat maimai una nun a bung na inawan pat.

Pilipai 2:17

Anumot a pinapam ra anumot a nurnur i pam pati, i elar nama etabor torom o God. Ra kanapi an mat, a gaping in elar nama etabor ra di lingisi netes una numot a etabor. Ra an gas ma an gas tomo nam mot rop.

A Pas anun o Pol torom a taro Rom 8:19

A kudulano ukukis rop i kis langlang nama labino nemnem sur a bung ra o God in upuaso ru a kum nutnutunu.

2 Korin 10:8

Ra met ser warango pas met una numet a kinkinis na mugumugu ra a Labino i sa pitar tari tamet, ka met maimai. Uni i sa pitar tari, sur met in udekdek mot nami, ma awu sur sur met in ban laulau mot.

2 Korin 4:10

Ra met laun a minat i milau kut, uni met papam torom o Iesu. Una kum bung rop, met ese a minat anun o Iesu una pinimet, sur a taro det in tama i kai, a nilaun anun o Iesu un met.

1 Korin 7:34

A nuknukino ke takai, uni i nemi sur in ugasgas anun a ino ma a Labino kai. A ino ra ke nolin o a toraro, i balon una pinapam anun a Labino. Anun a nemnem sur in pitar rop tar a pinino ma a niono torom a Labino. Ikut, a ino ra i sa nolin, i balon una pinapam taginin una rakrakon bual, sur in ugasgas anun a musano.

A Pas anun o Pol torom a taro Rom 5:5

Ra dat kis langlang nama nurnur, dat tasmani lena a utna ra o God i sa uliliman taru uni in nanpat ut. Uni o God i sa pitar tar a Tokodos na Nion tandat. Ra a Tokodos na Nion i sa lingis tar a marmaris anun o God unin balandat.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

A Pas anun o Pol torom a taro Rom 12:1

I mo ra a kum tistising, a saring mot sur mot in pitar tar a pinimot rop torom o God, uni o God i maris doko mot. Mot in pitari elar nama etabor ra i laun, ma katu dur uni, ma i elar nam anun a nemnem ut. I ra anumot a lotu mulus torom o God.

Pilipai 1:14

Anung a kinkinis na karabus i sa uragot a susut na taro ra met nisnisino una Labino, ma ka det ngara sur det in wasiso puaso nama wasiso anun o God nama dekdek.

2 Korin 7:14

Ra ke wan utmakai, a warango mot toromi, ma ka mot ban umaimai iau. A kum utna ra met watungi tan o Taitus un mot i lingmulus, elar nam anumet a kum wasiso rop torom mot i lingmulus.

2 Korin 5:15

I mat sur dat rop, sur dat ra dat laun, gong dat laun sur dat in ugasgas pas dat ut. Dat in laun sur o Karisito, ra i mat sur in ulaun pas dat, ma i katutur melet gusun a minat.

1 Korin 15:31

A kum tistising, una kum bung rop a barato a kum mamaut ma a taramo i lena a sa mat. A wasiso ri i lingmulus elar nami ra anung a gasgas un mot i lingmulus. A gas nam mot uni dat kis tomo nam o Karisito Iesu anundat a Labino.

A Pas anun o Pol torom a taro Rom 9:33

Elar nami ra di sa tumus tari una Buk Tabu lenri, “Tama i, a ubek tar a wat sapat o Saion, ra a taro det in tutuka uni, ma det in puku. Ma osi ra in nurnur uni, ken maimai.” Ais 8:14; 28:16

A Pas anun o Pol torom a taro Rom 6:19

A wasiso nama kum wasiso elelar ri torom mot, uni a nuknuki mot ke talapor wakak una utna ra a wasiso uni. Numugu mot pitar tar a kum du pinimot sur in tene ititula anun a kum dur na petutna, ma anumot a kum sakino i lubung ma i labo. Ikut uniri, mot in pitar tar a kum du pinimot sur in tene ititula anun a tokodos na petutna, sur anumot a nilaun, anun o God.

A Pas anun o Pol torom a taro Rom 6:13

Gong melet mo mot pitar tar tu du pinimot sur in elar nama utna na pinapam sur a pam sakino. Mot in pitar tar mot torom o God, uni mot sa laun melet gusun a minat. Ma mot in pitar tar a kum du pinimot rop torom o God, sur in elar nama kum utna na pinapam sur a tokodos na pinapam.

Aposel 21:13

Ikut o Pol i balu met lena, “Ilai ra mot tangis, ma mot utupunuk iau? A sa pitar tar iau sur det in ker iau ma din um doko iau utkai sapat o Jerusalem, kibino una risan a Labino o Iesu.”

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

A Wakak na Wasiso un o Iesu Karisito o Jon i tumusi 21:19

O Iesu i watungi lenri, sur in ese a ngas na iniru ra in los o Pita. Un anun a iniru ra, in ulabo pas o God. Ra i sa watung tari lenri, i inanosi lena, “Un mur iau.”

Aposel 4:31

Ra det sa wararing pas, a rumu ra det kis tomo uni i tugunu, ma det rop det bukus nama Tokodos na Nion, ma det wasiso nama wasiso anun o God, ma ka det ngara.

2 Korin 3:12

Ka met ngara sur met in wasiso puaso nama matok na kunubus, uni met nurnur lena, in kis tukum.

2 Korin 7:4

A nurnur un mot. Ma a warango doko mot. Anumot a nilaun i uragot iau. Anung a gasgas i bukus una numet a kum mamaut.