Pilipai 1:14 - Nupela Testamen long tokples Kandas

¹⁴ Anung a kinkinis na karabus i sa uragot a susut na taro ra met nisnisino una Labino, ma ka det ngara sur det in wasiso puaso nama wasiso anun o God nama dekdek.

Pilipai 1:14 Referans Kwoze

1 Tesalonaika 2:2

Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul.

Luk 1:74

in ulaun pas dat gusun a laman anundat a kum ebar, sur dat in papam toromi ma ka dat in ngara.

Kolosi 4:4

Mot in wararing sur an wasiso talapor wakak nami, sur an pam sot pas anung a pinapam.

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.

Kolosi 4:7

O Tikikus in inanos mot una kum utna rop un iau. I a wakak na tisindat, a lingmulus na tene pinapam ma a tultul tomo nam met una pinapam anun a Labino.

Pilipai 4:1

I mo ra a kum tistising, mot in tur dekdek una Labino, lenutra a sa inanos tar mot nami. A nem doko mot, ma a nem doko i sur an tama mot, uni mot anung a gasgas ma mot elar nama ikul una nung a pinapam.

Epeses 3:13

I mo ra, a saring mot sur gong mot tusako ra mot longoro a kum mamaut ra a barato i sur an warut mot. A taramo a mamaut sur anumot a kinkinis na minamar.

2 Korin 3:12

Ka met ngara sur met in wasiso puaso nama matok na kunubus, uni met nurnur lena, in kis tukum.

2 Korin 7:4

A nurnur un mot. Ma a warango doko mot. Anumot a nilaun i uragot iau. Anung a gasgas i bukus una numet a kum mamaut.

Pilipai 1:20

A nurnur lena, kan pam tu utna ra an maimai uni. An tur dekdek ma kan ngara, sur an ulabo pas o Karisito una nung a kum petutna rop elar nami ra numugu a ser pami. Sako an laun o an mat, an ulabo pasi ut.

2 Timoti 2:9

Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi.

A Wakak na Wasiso un o Iesu Karisito o Mak i tumusi 3:3

Ra o Iesu i inanos a musano ra a lamano i kong lena, “Un tur tiro numugu tan a taro rop.”