A Wakak na Wasiso un o Iesu Karisito o Mak i tumusi 8:34 - Nupela Testamen long tokples Kandas

³⁴ O Iesu i kabo pas a kunur na taro tomo nam anun a kum nat na ususer toromi, ma i watungi tandet lena, “Ra taio i nemi sur in mur iau, gong i mur a nuknukino. In los pas anun in nanai kutus ma in mur iau.

A Wakak na Wasiso un o Iesu Karisito o Mak i tumusi 8:34 Referans Kwoze

Matiu 10:38

Osi ra ke rakon pas anun in nanai kutus sur in mur iau, ke topasi sur i anung a nat na ususer.

A Wakak na Wasiso un o Iesu Karisito o Jon i tumusi 10:27

Anung a kum sipsip det ser longoro in nalngang. A tasman det, ma det ser mur iau.

Galesia 5:24

A taro anun o Karisito Iesu, det sak wat a sakino nemnem ina pinindet unin nanai kutus anun o Karisito.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

1 Jon 3:16

Dat in tasman a marmaris mulus lenri: O Iesu Karisito i pitar anun a nilaun ma i mat sur dat. I wakak sur dat kai, dat in pitar anundat a nilaun ma dat in mat sur a kum tistisin dat.

Matiu 16:24

Ra o Iesu i watungi tan anun a kum nat na ususer lena, “Ra taio i nemi sur in mur iau, gong i mur a nuknukino. In los pas anun in nanai kutus ma in mur iau.

Pilipai 3:10

A nemi sur an tasman o Karisito ma a dekdekin anun a katkatutur melet gusun a minat, ra a nemi sur an tur tomo nami una nun a kum ngunungut, ma an elar ut nami una nun a minat.

A Pas anun o Pol torom a taro Rom 8:17

Ra dat a kum nutnutunu, dat in rakon a kum utna anun o God, tomo nam o Karisito. Ra dat in taramo a mamaut tomo nam o Karisito, numur dat in kis tomo nami una nun a minamar.

Luk 9:23

Ra i watungi tandet rop lena, “Ra taio i nemi sur in mur iau, gong i mur a nuknukino. In los pas anun in nanai kutus una kum bung rop ma in mur iau.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

Pilipai 3:7

Ikut a kum utna rop ri, ra numugu i labo torom iau, uniri i utna oros mukut torom iau, kibino un o Karisito.

1 Pita 4:1

O Karisito i taramo a ngunungut una pinino. I mo ra, mot kai, mot in waninar sur mot in taramo a ngunungut elar nami. Uni osi ra i taramo a ngunungut una pinino, i sa mana gusun a pam a sakino petutna.

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

1 Korin 15:31

A kum tistising, una kum bung rop a barato a kum mamaut ma a taramo i lena a sa mat. A wasiso ri i lingmulus elar nami ra anung a gasgas un mot i lingmulus. A gas nam mot uni dat kis tomo nam o Karisito Iesu anundat a Labino.

A Pas anun o Pol torom a taro Rom 6:6

Uni dat tasmani lena, a turai na nilaun anundat i sa mat tomo nam o Karisito unin nanai kutus, sur a sakino petutna una pinindat katu dekdekino. Ma ka dat in tene ititula melet mo anun a sakino petutna.

Luk 14:33

Lenkutkai ra torom mot, ra taio tagun mot ken madek ru anun a kum utna rop, i awu sur anung a nat na ususer.

2 Pita 1:14

Uni a tasmani lena, i sa milau sur an nan gusun a pining ri, elar nami ra anundat a Labino o Iesu Karisito i sa upuaso tari tang.

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.

Taitus 2:12

A marmaris ri i ususer dat, sur dat in nan gisen gusun a kum petutna ra ke sot nama nuknukin o God, ma gusun a kum nemnem sur a kum utna tagun a rakrakon bual, ma dat in tamtamabat wakak anundat a nilaun, dat in tokodos, ma dat in laun murmur a nuknukin o God una nilaun ri,

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

Aposel 14:22

Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”

Luk 18:22

Ra o Iesu i longoro i, i watungi tano lena, “Ara utna mukut ra kabaut u pami. Un siuru ru anum a kum utna rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.”

Luk 13:24

“Mot in dekdek sur mot in ruk una nat na matansako lik, uni a susut na taro det in lari sur det in ruk uni, ikut ka det in pet lar pasi.

Matiu 27:32

Det pirso ra det barato pas ara te Sairini, a risano o Saimon, ma det ungongos tari sur in los in nanai kutus anun o Iesu.

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.

Ibru 13:13

I wakak sur dat in nan toromi kunago upiso utamon, ma dat in taramo a maimai tomo nami.

2 Tesalonaika 3:11

Metul longoro i lena, a ramano taro tagun mot, a kum tubunu wok na taro. Ka det papam, det balon kut una uruk lorindet una utna ra awu sur anundeti.

1 Korin 9:19

A lingmulus a sa langolango, ma ka papam na karabus torom taio. Ikut a pitar tar iau sur an tene ititula torom a taro rop, sur an ben lako susut na taro torom o Karisito.

1 Korin 8:13

Ra a utna ra a wani, in upuku a tising una sakino, kan nan meleti mo tu du wewegua, sur gong a upuku a tising una sakino petutna.

A Wakak na Wasiso un o Iesu Karisito o Jon i tumusi 19:17

O Iesu i pirso gusun a tamon Jerusalem, i los pas anun in nanai kutus ra i wan sur a nubual ra di watungi nama “Nubual na Lor na Minat,” ma una wasiso Ibru di watungi lena o Golgota.

Luk 20:45

Ra a taro rop det longoro o Iesu, i watungi tan anun a kum nat na ususer lena,

A Wakak na Wasiso un o Iesu Karisito o Mak i tumusi 10:21

O Iesu i tamtama toromi, i marisi ra i watungi tano lena, “Ara utna mukut ra kabaut u pami. Un nan ma un siuru ru anum a kum utna rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.”

A Wakak na Wasiso un o Iesu Karisito o Mak i tumusi 7:14

O Iesu i kabo melet pas a kunur na taro toromi, ra i watungi tandet lena, “Mot rop mot in longoro iau, ma mot in tasman lele anung a wasiso.