A Wakak na Wasiso un o Iesu Karisito o Mak i tumusi 12:29 - Nupela Testamen long tokples Kandas

²⁹ O Iesu i balu i lena, “Iri a warkurai ra i labo sakit, ‘Mot a taro Israel, mot in longoro i! A Labino anundat a God, i ara sot kut.

A Wakak na Wasiso un o Iesu Karisito o Mak i tumusi 12:29 Referans Kwoze

Luk 10:27

I balu i lena, “‘Un nem a Labino anum a God namin balam rop, a niom rop, a dekdekim rop, ma a nuknukim rop.’ Lo 6:5 Ma ‘Un nem o pasam elar nami ra u nem ui ut.’” Wkp 19:18

Galesia 3:20

Ikut ra o God i liliman torom o Abaram, katutaio i tur epotor tander. O God ara sot kut i wasiso.

A Pas anun o Pol torom a taro Rom 3:30

Uni ara God kut, ma in watung a taro Juda lena, det tokodos umatano una nurnur. Lenkutkai ra torom a taro gisen, in watung det lena, det tokodos una nurnur utkai.

A Pas anun o Jud 1:25

I ara sot kut anundat a God, ra i ulaun pas dat una minatin o Iesu Karisito anundat a Labino. Anunu ut a minamar, a kinkinis na king, a dekdek ma a warkurai, tagun numnumugu utmakai, uniri, ma ken rop. Amen.

1 Korin 8:4

An inanos mot una ngasino ra a taro det ser pami ra det wan a kum utna, ra di sa etabor taru nami torom a kum torotoro na god. Dat tasmani lena a toktok i a utna oros kut tagun a rakrakon bual, awu sur i laun. Dat tasmani lena ara God sot kut, ma kataio melet.

Jems 2:19

U nurnur lena o God i ara kut. I wakak. A kum laulau na nion kai det nurnur lenra, ma det ngara suri, ra det neneder.

1 Timoti 2:5

Uni ara God sot kut, ma ara sot kut kai ra i dat tomo o God ma a taro, a musano ri o Karisito Iesu,

1 Timoti 1:5

A watungi lenra, sur a marmaris in lubung epotor tandat etetalai. A marmaris ra, i wan tagun a tokodos na balandat, ma a wakak na nuknukin dat, ma a lingmulus na nurnur.

Matiu 23:9

Ra gong mot tar tamamot un taio taginin upiso, uni ara Tamamot sot kut, ra i kis sapat una langit.

Matiu 10:37

“Osi ra i nem doko o tamano ma o nano, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o tamano ma o nano. Ma osi ra i nem doko o nutunulik, a nat na musano o a ino, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o nutunulik.