A Wakak na Wasiso un o Iesu Karisito o Mak i tumusi 11:25 - Nupela Testamen long tokples Kandas

^25-26 “Ra mot tur ma mot wararing, ma mot nuk torom tu utna ra taio i pam sako tari un mot, mot in dumano ru i, sur a Tamamot kusapat una langit in unus ru anumot a kum sakino petutna kai.”

A Wakak na Wasiso un o Iesu Karisito o Mak i tumusi 11:25 Referans Kwoze

Kolosi 3:13

Ma gong mot balano sungun ra taio tagun mot i raro un lako kum utna, mot in dumano ru anun a sakino petutna, elar nama Labino i sa unus ru anumot a kum sakino petutna.

Epeses 4:32

Ikut, mot in pam a wakakino ma mot in nem etetalai mot. Ma ra taio tagun mot i pam a sakino torom mot, mot in dumano ru i, elar nami ra o God i pami un mot un o Karisito.

Luk 6:37

“Gong mot takun tar taio, sako o God in takun mot. Gong mot kuro tar taio sur in los a warkurai na minabalu, sako o God in kuro mot ra mot in los a warkurai na minabalu. Mot in dumano ru a kum sakino petutna ra a taro det pami un mot, ma o God in unus ru anumot a kum sakino petutna.

Matiu 6:12

Un unus ru anumet a kum sakino petutna, elar nam met dumano ru anundet a kum sakino petutna torom met.

Matiu 5:23

“Ra un nan sur un pitar anum a etabor una kabulu na tuntun etabor, ma u nuk pas tu utna ra o tisim i takun ui uni,

Jems 2:13

Uni, osi ra ke lason una marmaris, o God kai ken marisi una bung na warkurai. Ikut, o naro ra i lason una marmaris, o God in marisi una bung na warkurai.

Matiu 6:5

“Ra mot in wararing, gong mot elar nama kum tene torotoro. Det nem doko i sur det in tur ma det in wararing una kum rumu na lotu, ma una kum nubual ra a taro det wanan tomo iai, sur a taro det in tama det ma det in watung ulabo pas det. A inanos mot nama lingmulus, ra a taro det ulabo pas det, i ut ra anundet a kudulano ikul.

Luk 18:11

A Parisi i tur ma i wararing suri ut lenri, ‘God, a watung wakak torom ui, uni ka elar nam ara taro kai, a kum tene wolong, det ra ka det tokodos, ma det ra det pam a sakino nam tu ino anun taio o nam tu musano anun taio, ma ka elar kai nama tene los takis iri i.

Tamtama 11:4

Aru tene wasiso puaso ri, der arin nanai na oliw ma aru turtur na lam, ra der tur umatan a Labino anun a rakrakon bual.

Luk 18:13

Ikut a tene los takis i tur gisen taru, ke tatado usapat netes una langit, uni i maimai. I raprapusi kut a romrobono nama tupunuk, ma i watungi lena, ‘God, un maris iau, a tene sakino iau.’