Matiu 8:6 - Nupela Testamen long tokples Kandas

⁶ I watungi lena, “Labino, ara tultul anung kurong ut una rumu i inep, a pinino rop i mat, ma i taramo a dekdek na ngunungut doko.”

Matiu 8:6 Referans Kwoze

Kolosi 4:1

Mot a kum mugumugu, mot in pam a tokodos na petutna torom anumot a kum tene ititula, ma a magiramot in elar kut torom det rop, uni mot tasmani lena, mot kai, anumot a mugumugu i a Labino, ra i kis sapat una langit.

Matiu 4:24

Ma a wasiso un o Iesu i wan sarara una papor Siria rop. Ra det ben rop pas a taro ra a kum wur ngas na misait i ban laulau det, a taro ra a dekdek na ngunungut i ban laulau det, ma det ra a kum laulau na nion kura un det, det kai ra det ser mat lalang ma det ra a pinpinin det i mat. Ra o Iesu i ulangolango pas det rop.

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.

Aposel 9:33

Tiro iai, i barato pas ara musano, a risano o Ainias, a pinino i mat, ma i inep kut una bano, elar nama tiwal na kilalo.

Pilimon 1:16

Uniri ken elar melet mo nama tene ititula, in elar nama tisimlik mulus una nurnur. A nem doko i, ikut a tasmani lena, anum a marmaris toromi i labo taun a marmaris ra a marisi nami, uni, i anum a tene pinapam ma a tisimlik kai una Labino.

1 Timoti 6:2

Ma det ra anundet a mugumugu a tene nurnur, gong det rosumur gusuni, uni det tasmani lena det tar tistisino una nurnur. Det in ser mur wakak anun a wasiso, uni anundet a pinapam in warut a tene nurnur, ra det ser nemi. Timoti, un ususer det ma un udekdek det nama kum etowo ri.

Aposel 10:7

Ra a ensel, ra i wasiso toromi i sa wan, o Konelias i kabo pas aru tagun anun a kum tultul, ma ara tene lotu mulus tagun anun a taro na inaim.

Aposel 8:7

I lakro ru a kum laulau na nion gusun a susut, ma a kum laulau na nion, ra det pirso, det kukukuk dekdek. Ma i ulangolango pas a susut ra a pinpinin det i mat, ma det kai, ra ka det wan lar pas.

Matiu 9:2

Ra a ramano kum musano det los pat ara musano toromi, a pinino i mat, ma i inep taru kut una lu. O Iesu i tama anundet a nurnur, ra i inanos a musano ra lena, “Nutunglik, gong u ngara, di sa unus ru anum a kum sakino petutna.”

Matiu 8:7

O Iesu i watungi tano lena, “An nan ma an ulangolango pasi.”