Matiu 8:2 - Nupela Testamen long tokples Kandas

² Ara musano, i misait nama lepra, i wan toromi, i kis butkeke nisano, ma i watungi lena, “Labino, ra u nemi, i topas ui sur un ulangolango pas iau.”

Matiu 8:2 Referans Kwoze

Matiu 18:26

Ra a tultul ra i kis butkeke umatan anun a labino, ra i saringi lena, ‘Un madek ru iau munung, numur an balu rop tar anum a mani.’

Matiu 15:25

Ikut a ino ra i wan torom o Iesu, i kis butkeke numugu tano ra i watungi tano lena, “Labino, un warut iau.”

1 Korin 14:25

Ma a kum utna ra i kis eno unin balano, in nanpat pupuaso. Ra in puku, in masarino unago upiso, ra in lotu torom o God, ma in wasiso talapor lena, “A lingmulus ut, o God i kis epotor tamot.”

Aposel 10:25

Ra o Pita i ruk, o Konelias i wan barato i, ma i kis butkeke taru nama urur nisano, ra i lotu toromi.

A Wakak na Wasiso un o Iesu Karisito o Jon i tumusi 9:38

A musano ra i watungi lena, “Labino, a nurnur un ui!” Ra i lotu toromi.

Matiu 28:17

Det tama o Iesu, ra det lotu toromi, ikut ara taro tagun det ka det nurnur.

Luk 4:27

A susut na lepra det kis tong o Israel una kilalo anun a poropet Elisa, ikut o God ke ulangolango taio tagun det, o Neman kut a te Siria.”

Matiu 26:6

O Iesu i kis tong o Betani, una rumu anun o Saimon, i ra numugu i misait nama lepra.

Matiu 20:20

Numur o nan aru nutnutun o Sebedi i wan torom o Iesu nam aru nutnutunu. I kis butkeke umatano ma i saringi sur in mur anun a nemnem.

Matiu 14:33

Ra det, ra det kis taru una pot det lotu torom o Iesu, ma det watungi lena, “I lingmulus ut, ra ui a Nutun o God.”

Matiu 13:58

Ra ke pam lako susut na utna na ukisin tiro iai, uni ka det nurnur uni.

Matiu 9:18

Ra o Iesu i wasiso utmakai torom det, ara mugumugu i wan toromi, ra i kis butkeke sa numugu tano, ra i watungi lena, “A nutunglik a ino, unikutri i mat. Aiap, dar in nan ma un ubek a lamam sapat netes uni, sur in laun.”

Tamtama 19:10

Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”

Matiu 28:9

Ra der wan nanan, o Iesu i wanpat kisin torom der. Ma i watungi tander lena, “Wakak na kobot torom mur.” Der wan toromi, der pam aru kikino ma der lotu toromi.

Matiu 10:8

Mot in ulangolango pas a kum misait, ma mot in ulaun pas a kum minat, mot in ulangolango pas a kum lepra, ma mot in lakro ru a kum laulau na nion. Di tabor oros mot kut, lenkai ra, mot in etabor oros kut.

Matiu 4:9

Ra i watungi tano lena, “Ra un kis butkeke ma un lotu torom iau, a kum utna rop ri an pitar tari tam.”

Matiu 2:11

Det ruk una rumu, ra det tama pas a natlik, ma o nano, o Maria. Det kis butkeke ra det lotu torom a natlik. Numur det papos pas anundet a kum bek ma det tabori nama kum etabor ri: a gol, a paura di tuni ra a misino i sangnain wakak ra di watungi nama insens, ma a torok nin nanai sangsangnain kai ra di watungi nama mira.

Matiu 8:1

Ra o Iesu i wan pirso tagisapat una tangai, a susut na taro det muri.

Matiu 8:25

ra det wan toromi, det wangun pasi, ma det inanosi lena, “Labino, un ulaun dat. Dat na iru.”

Aposel 10:14

Ra o Pita i watungi lena, “Labino, awu ut! Ka wan tar tu utna ra i dur umatam, ra i tabu torom met a taro Juda.”