Matiu 7:7 - Nupela Testamen long tokples Kandas

⁷ “Mot in sasaring, ra din tabor mot, mot in sisio, ra mot in sio pasi, mot in pinpidik, ra din papos pas mot.

Matiu 7:7 Referans Kwoze

Matiu 21:22

Ra mot nurnur, a kum utna rop ra mot wararing suri, din pitari ut torom mot.”

1 Jon 3:22

Ma asau rop ra dat saringi suri, in pitari ut tandat, uni dat mur anun a kum warkurai, ma dat pam asau ra i ugasgasi.

A Wakak na Wasiso un o Iesu Karisito o Jon i tumusi 15:7

Ra mot in laun un iau, ma anung a wasiso in laun un mot, mot in saring iau sur tu utna ra mot nemi, ra din pitari ut torom mot.

A Wakak na Wasiso un o Iesu Karisito o Mak i tumusi 11:24

Lenra, a inanos mot, a kum utna rop ra mot wararing suri, mot in nurnur kut lena di sa pitar tari tamot, ma din pitari ut torom mot.

Matiu 6:33

Mot in sisio mugu sur anun a matanitu ma anun a tokodos na petutna, ra in tabor mot kai nama kum utna rop ri.

Matiu 7:8

Uni det rop ra det sasaring din tabor det, ma osi ra i sisio in sio pasi, ma osi kai ra i pinpidik, din papos pasi.

A Wakak na Wasiso un o Iesu Karisito o Jon i tumusi 15:16

Awu sur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama sau ra mot sasaring suri nama risang.

Ibru 11:6

Ra taio ke nurnur, o God ken gas lar pas nami. Uni taio ra i nem na wan torom o God, in nurnur lena o God i kis, ma in nurnur kai lena, o God in pitar a ikul tandet ra det sisio mulus suri.

A Wakak na Wasiso un o Iesu Karisito o Jon i tumusi 4:10

Ikut o Iesu i balu i lena, “Ra u tasman a etabor anun o God, ma u tasman osi kai ra i saring ui sur lako danim, un saringi, ma in tabor ui nama danim na nilaun.”

Matiu 18:19

A watungi kai tamot, ra lako ru tagun mot nin upiso der mulaot un tu utna ra der sasaring suri, o Tita ra i kis sapat una langit in pam soti ut torom der.

Jems 5:15

A niaring ra i wan tomo nama nurnur, in ulangolango o naro ra i misait, ma a Labino ut, in ulangolango melet pasi. Ma ra i sa pam tar a sakino petutna, a Labino in unus ru i gusuni.

Luk 18:1

O Iesu i watung a wasiso elelar torom anun a kum nat na ususer sur in ese det lena, det in wararing bolbolos, ma gong a pinindet i ngoro.

Matiu 7:11

Mot a laulau na taro, ikut mot tasmani ut a kum wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama kum wakak na utna.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

A Pas anun o Pol torom a taro Rom 3:11

Katutaio kai ra i mananos. Katutaio i sisio sur o God.

Luk 13:25

A taman a rumu in tur ra in tagar bat a matansako, ma mot in tur nago upiso, mot in pinpidik ma mot in watungi lena, ‘Labino, un papos pas met.’ In watungi kut tamot lena, ‘Ka tasman mot ma tagai mot.’