Matiu 7:15 - Nupela Testamen long tokples Kandas

¹⁵ “Mot in tumarong mot gusun a kum torotoro na poropet. Det ser wan torom mot nama wakak na magirandet elar nama kum sipsip, ikut tiro ubalandet, det nem na ban laulau mot elar nama kum ngalngalia na pap.

Matiu 7:15 Referans Kwoze

1 Jon 4:1

A kum wakak na paspasang, gong mot nurnur oros un taio ra i watungi lena a Tokodos na Nion i pitar tar a wasiso toromi. I wakak sur mot in lari munung a kum nion, ra det tagun o God o awu. Uni, a susut na torotoro na poropet kuri det una rakrakon bual.

Matiu 24:11

A susut na torotoro na poropet kai det in nanpat, ma det in toro pas a susut na taro.

Kolosi 2:8

Mot in tumarong mot, sur gong taio i ukarabus mot nama mananos anun a taro kut, ra i a etowo oros kut ma a torotoro. A mananos ra, i wanpat kut tagun a kum etowo anun a kum tumtubun det tagun numugu, ma tan a kum laulau na nion tagun a rakrakon bual, ma awu sur tan o Karisito.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

A Pas anun o Jud 1:4

A tumus a utna ri, uni ara taro det sa ruk eno taru torom mot. Ka det mur a nemnem anun o God, ma det in iru una warkurai anun o God, elar nami ra di sa tumus tari numugu utmakai una Buk Tabu. Det pukus laulau pas a marmaris anun o God, ra det watungi lena, “I wakak kut ra dat in pam a kum petutna na pamuk.” Ma det ipul ru i kut anundat a Mugumugu ma anundat a Labino o Iesu Karisito, i ara sot kut.

2 Pita 3:17

Ikut mot, a kum wakak na paspasang, mot sa tasman tar a kum utna ri. I mo ra mot in tumarong, sur gong a taro na lakai warkurai det ben raro mot nama nundet a kum etowo, sako mot in puku tagun a wakak na kinkinis ra uniri mot sa tur dekdek uni.

Luk 6:26

In laulau torom mot ra a taro rop det watung ulabo pas mot, uni a kum tumtubun det tagun numugu, det pami lenri torom a kum torotoro na poropet.

2 Timoti 3:13

A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.

2 Timoti 4:3

Uni, a bung in nanpat, ra a taro ka det in nemi mo a tokodos na etowo. Ma una nundet a kum nemnem, det in ben tomo a susut na tene ususer torom det, sur det in ususer det un asau ra det nem na longoro i.

Pilipai 3:2

Mot in tumarong mot gusun a kum ngalngalia na pap, a taro ra det ser pam a sakino, ma det tok laulau a pinpinin a taro, ma det ususer det lena, ra ka di tok talilis a pinindet, ka din ulaun det.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

Galesia 2:4

Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda.

Luk 12:15

Ra i watungi tandet, “Mot in nuk pasi, ma mot in tumarong mot gusun a nemnem sur a susut na ululeng, uni a nilaun anun taio ken kibino pas tagun anun a susut na ululeng.”

Tamtama 16:13

Numur a tama tulu laulau na nion detul tamtama elar nama tulin rokrok. Detul pirso tagun a wan in labino sui, a wan a kuabor na wewegua ma a wan a torotoro na poropet.

Epeses 5:6

Gong mot madek tar taio sur in toro pas mot nam tu wasiso oros kut. Uni a kum petutna ra, in dat pas a kankan anun o God torom det ra det pitarngat.

Aposel 13:40

Mot in tumarong, sako a kum utna ra a kum poropet det sa wasiso taru uni in sot mo un mot. Det watungi lena,

A Wakak na Wasiso un o Iesu Karisito o Jon i tumusi 10:12

A musano ra di kuli kut, awu sur a tene tamtamabat mulus anun a kum sipsip, ma a kum sipsip awu sur anunu. Ra in tama pas a ngalngalia na pap in nanpat, in kalabor pas gusun a kum sipsip, uni i papam kut sur a mani, ma ke maris a kum sipsip. Ma a ngalngalia na pap in karkarot det ma in lu sarara ru det.

Matiu 16:11

Ilai ra ka mot mananos? Ka wasiso una beret. Mot in tumarong mot una is anun a kum Parisi ma a kum Sadusi.”

Matiu 16:6

O Iesu i watungi tandet lena, “Mot in tumarong una is anun a kum Parisi ma a kum Sadusi.”

Matiu 10:17

Mot in tumarong mot, uni a taro det in pitar mot ulaman a kum tene warkurai, ma det in miras mot una nundet a kum rumu na lotu.

Tamtama 17:6

A tama a ino ra i inum pas a gapin a taro anun o God, a gapindet ra det wasiso talapor un o Iesu. Ra i sipak nami. Ra a tama i, a kisin doko.

Aposel 13:6

Detul wan potor una kudulano ailan ra, tuk tong o Papos. Tiro iai, detul etorom nam ara te Juda, a risano o Barjisas, a tene sangsagor, ma a torotoro na poropet,

Matiu 7:14

Ikut a matansako ma a kisapi ra i wan sur a nilaun, i natino, ma a pak na taro kut det ser sio pasi.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.