Matiu 28:19 - Nupela Testamen long tokples Kandas

¹⁹ I mo ra mot in nan, mot in ususer a taro tagun a kum gapman rop, sur det kai anung a kum nat na ususer. Mot in baptaiso det nama risan o Tita, ma o Nutunu, ma a Tokodos na Nion.

Matiu 28:19 Referans Kwoze

Aposel 1:8

Ikut a Tokodos na Nion in kis un mot, ma mot in utur ukai a dekdek, ma a utna ra mot tama i un iau, mot in wasiso uni sapat o Jerusalem, ma una kum tamon rop tong una ru papor Judia ma o Samaria, ma una rakrakon bual rop.”

Galesia 3:27

Ra mot los a baptais, i ese i lena mot ara kut nam o Karisito, ma mot emar nam anun a nilaun.

A Pas anun o Pol torom a taro Rom 10:18

Ikut, a iting lena, pepetlai, a taro Israel ka det longoro i utmakai a Wakak na Wasiso? Det longoro i ut. Elar nami ra di sa tumus tari una Buk Tabu lenri, “A taro taginin upiso det sa longoro in nalngandet. A wasiso ra i sa wan sarara una kum nubual rop una rakrakon bual.” Wkp 19:4

Epeses 2:18

O Karisito i papos a kisapi anundat rop torom a Tamandat, un ara Tokodos na Nion kut.

Aposel 28:28

Ra o Pol i watungi tandet lena, “I mo ra mot in tasmani lena, a pinapam anun o God ra i ulaun pas a taro, i sa wan torom det ra awu sur a taro Juda. Ra det, det na rakoni!”

Aposel 2:41

Det ra det mur a wasiso anun o Pita, di baptaiso det. Det elar nama tulu arip det, ra di luk tomo det nama kum tene nurnur.

1 Pita 3:21

In nolomom i tur ukinalong a baptais ra i ulaun mot uniri. Ka di baptaiso mot sur din rus ru a dur tagun a pinimot, awu. A baptais i elar nami ra mot pitar tar mot torom o God ma mot tasmani lena mot tokodos umatan o God. Ra i ulaun mot kibino una katutur melet anun o Iesu Karisito gusun a minat.

1 Korin 15:29

Ra katu katkatutur melet gusun a minat, det ra di baptaiso det sur a kum minat, asau ra det in pami? Ra i lingmulus lena a kum minat ka det in katutur melet gusun a minat, sur asau ra di baptaiso a taro sur a kum minat?

Aposel 14:21

O Pol ma o Banabas der warawai nama Wakak na Wasiso tong o Derbe, ra der ususer a susut na taro ra det wanpat a kum nat na ususer. Numur der milet melet utong o Listra, Aikoniam, ma o Antiok.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

2 Korin 13:14

A marmaris anun a Labino o Iesu Karisito, ma a marmaris anun o God, ma a kinkinis tomo anun a Tokodos na Nion in kis tomo nam mot rop.

Aposel 9:18

Uniutra a kum utna i elar nama walong na kiripo, i puku pirso gusun arin matano, ra i tamtama melet. I tur ma di baptaiso i.

Matiu 13:52

Ra o Iesu i watungi tandet lena, “I mo ra a kum tene ususer rop tagun a Warkurai, ra det sa ususer pas una matanitu tagisapat una langit, det elar nam ara musano ra i uleng a kum wakak na utna una nun a rumu. Ra i upirso a kum wakak na utna ra, gusun anun a rumu sur in papam nami, a ramano kum utna, a kum matokino, ma a ramano kai, a kum turaino.”

1 Jon 5:7

Detul ri, detul wasiso talapor uni:

Matiu 25:32

A taro tagun a kum gapman rop det in nan tomo umatano, ma in isuaro det, elar nama tene tamtamabat anun a kum sipsip i isuaro a kum sipsip gusun a kum meme.