Matiu 27:51 - Nupela Testamen long tokples Kandas

⁵¹ Una du bung ut ra, in namalu ra di mabat kutus nami sa urumu una rumu na etabor i tararos potor, turpasi tagisapat netes tuk unago piso. A guri i wanpat, ma a kum watat det tapagol.

Matiu 27:51 Referans Kwoze

A Wakak na Wasiso un o Iesu Karisito o Mak i tumusi 15:38

Ra in namalu ra di mabat kutus nami sa urumu una rumu na etabor i tararos potor, turpasi tagisapat netes tuk unago piso.

Ibru 6:19

Anundat a nurnur ra dat kis langlang nami sur a liliman anun o God, i elar nama ega ra i pam ukai a niondat, ra ken karai. I ruk una rumu na etabor una nubual ra i Tabu Sakit numur tan in namalu na minabat kutus sapat una langit.

Luk 23:45

uni in matanas ke sisio. Ra in namalu ra di mabat kutus nami sa urumu una rumu na etabor i tararos potor sur aru dino.

Tamtama 11:19

Ra a rumu na etabor anun o God sapat una langit i papos, ma ubalan anun a rumu na etabor di tama anun a boks na kunubus. Ma in nememe, a rurung, a pungpugur, a guri, ma a labino bato na ais det wanpat.

Matiu 27:54

A mugumugu anun a kum tene inaim, ma det kai ra kura tomo nami ra det tamtamabat o Iesu, det taramo a guri, ma det tama a kum utna ra i wanpat, ra det ngara doko. Det watungi lena, “I lingmulus ut, a musano ri a Nutun o God.”

Matiu 28:2

Ma a labino guri i wanpat, uni ara ensel anun a Labino i wan pirso tagisapat una langit sur a kulam na minat, ma i bulus gisen ru a wat, ra i kis taru netes uni.

Tamtama 11:13

Una du bung ut ra, a labino guri i wanpat. Ma ara kukur tagun ara noino dino tagun a labino tamon ra i terege. A wonom mawit na arip na taro det mat, ma det ra det laun sikot det ngara doko, ma det watung ulabo pas o God ra i kis sapat una langit.

Ibru 9:3

Ma numur tan a manru nin namalu na minabat kutus, ara kukur rumu bulung ra di watungi a nubual ra i Tabu Sakit.

Luk 23:47

A mugumugu anun a kum tene inaim i tama a utna ri i wanpat, ra i watung ulabo pas o God lena, “I lingmulus ut, a musano ri a tene tokodos.”