Matiu 2:4 - Nupela Testamen long tokples Kandas

⁴ Numur i ben tomo rop pas a kum lamlabino tene etabor torom o God ma a kum tene ususer tagun a Warkurai. Ra i ting det lena, “A Karisito ra o God in tulu ru i, din ususi awai?”

Matiu 2:4 Referans Kwoze

Aposel 23:9

Ra a labino purpuruon i turpasi, a ramano kum Parisi, det ra a kum tene ususer tagun a Warkurai, det tur, ma det engaras dekdek, ma det watungi lena, “Ka met sio pas tu sakino utna ra a musano ri i raro uni. Dat in lai mo? Sako ra tu nion, o tu ensel i sa wasiso taru toromi.”

Aposel 6:12

Ra det usungun balan a kum mugumugu, ma a kum tene ususer tagun a Warkurai ma a taro oros kai. Det wan torom o Stiwen, det pam ukai pasi, ma det beni sur in tur sa numugu umatan a taro na kiwung.

Matiu 21:23

O Iesu i ruk ubalan in noworo ina rumu na etabor, ma i ususer a taro. A kum lamlabino tene etabor torom o God ma a kum mugumugu anun a taro det wan toromi. Ra det tingi lena, “Asi na ngas na dekdek ra u pam a kum utna ri nami? Osi ra i pitar tar a dekdek ri tam?”

Matiu 7:29

uni i ususer det elar nam ara, ra a warkurai kura ut tano. Ke ususer det elar nam anundet a kum tene ususer tagun a Warkurai.

Aposel 4:5

Una bung numur, a kum mugumugu, ma a taro na kiwung ma a kum tene ususer tagun a Warkurai, det kis tomo sapat o Jerusalem.

A Wakak na Wasiso un o Iesu Karisito o Jon i tumusi 18:3

Ra o Judas i mugu pas a kum tene inaim tagitiro o Rom, ma a kum tene tamtamabat tagun a rumu na etabor. A kum lamlabino tene etabor torom o God, ma a kum Parisi det tulu ru det. Det los a kum utna na inaim, a kum lam ma a kum utna ra i kunabor ra det sulu saro det nami.

A Wakak na Wasiso un o Iesu Karisito o Jon i tumusi 8:3

A kum tene ususer tagun a Warkurai, ma a kum Parisi det ben ruk ara ino torom o Iesu. A ino ra di pastorom pasi ra i pam a sakino tomo nam ara nolin na musano. Det ungongos pas a ino ra, sur in tur numugu umatan a taro.

A Wakak na Wasiso un o Iesu Karisito o Jon i tumusi 7:32

A kum Parisi det longoro a taro det waswasiso eno lenri un o Iesu, ra a kum lamlabino tene etabor torom o God, ma a kum Parisi, det tulu ru a kum tene tamtamabat tagun a rumu na etabor, sur det in pam ukai pasi.

A Wakak na Wasiso un o Iesu Karisito o Jon i tumusi 3:10

O Iesu i balu i lena, “Ui a labino tene ususer anun a taro Israel, ma ilai ra ko tasman a kum utna ri?

Luk 23:10

A kum lamlabino tene etabor torom o God ma a kum tene ususer tagun a Warkurai kura det tur tiro iai, det takun dekdek o Iesu.

Luk 20:19

A kum tene ususer tagun a Warkurai ma a kum lamlabino tene etabor torom o God det sisio sur tu kisapi sur det in pam ukai pas o Iesu una du bung utra, uni det tasmani ut lena i watung a wasiso elelar ri un det. Ikut det ngaran a taro.

A Wakak na Wasiso un o Iesu Karisito o Mak i tumusi 8:31

O Iesu i turpasi sur in towo anun a kum nat na ususer lena, “A Nutun a Musano in taramo a susut na mamaut. A kum mugumugu, a kum lamlabino tene etabor torom o God, ma a kum tene ususer tagun a Warkurai det in rosumur gusuni ma din um doko i. Ra a tulu bung in rop, in katutur melet.”

Matiu 27:1

Una kobot raut, a kum lamlabino tene etabor rop torom o God ma a kum mugumugu anun a taro, det wasiso tomo pas un o Iesu sur din um doko i.

Matiu 26:47

Ra o Iesu i wasiso utmakai, o Judas, ara tagun a noino ma aru nat na ususer, i wanpat, det nama kunur na taro. Det los a kum totok na inaim ma a kum nalnal. A kum lamlabino tene etabor torom o God ma a kum mugumugu anun a taro, det tulu ru det.

Matiu 26:3

Una du bung ut ra a kum lamlabino tene etabor torom o God ma a kum mugumugu anun a taro, det kis tomo una labino rumu anun o Kaiapas, a mugumugu na tene etabor.

Matiu 21:15

Ra a kum lamlabino tene etabor torom o God, ma a kum tene ususer tagun a Warkurai, det tama a wakak na utna sakit ri i pami, ra det longoro i kai a kum nat liklik det kukukuk ubalan in noworo ina rumu na etabor lena, “Osana torom a Nutun o Dewid,” det kankan doko.

Matiu 13:52

Ra o Iesu i watungi tandet lena, “I mo ra a kum tene ususer rop tagun a Warkurai, ra det sa ususer pas una matanitu tagisapat una langit, det elar nam ara musano ra i uleng a kum wakak na utna una nun a rumu. Ra i upirso a kum wakak na utna ra, gusun anun a rumu sur in papam nami, a ramano kum utna, a kum matokino, ma a ramano kai, a kum turaino.”

Matiu 2:3

Ra o king Erod i longoro i, i talara a nuknukino ma a nuknukin a taro Jerusalem rop kai.

Matiu 2:5

Det balu i lena, “Tong o Betliem una papor Judia, uni a poropet i sa tumus tari lenri,