Matiu 18:17 - Nupela Testamen long tokples Kandas

¹⁷ Ra ken longoro der, un upuaso i torom a taro na lotu. Ra ken longoro i bulung a taro na lotu, i wakak sur un tama i elar nam o naro ra awu sur a tene nurnur, o elar nam o naro ra a tene los takis.

Matiu 18:17 Referans Kwoze

2 Tesalonaika 3:6

A kum tistisi metul, metul saring dekdek mot nama risan a Labino o Iesu Karisito lena, mot in nan gisen gusun a kum tubunu wok na tistisin dat ra ka det ser mur a kum etowo ra metul inanos tar mot nami.

1 Korin 5:9

Una ara pas munung ra a sa tumus tari torom mot, a sa inanos tar mot lena, gong mot lason tomo nama taro ra det pam a kum pamuk na petutna.

1 Timoti 6:5

A ngas na taro ri, det ser pam pat a purpuruon, a nuknukin det ke tokodos, ma det rosumur gusun a lingmulusino. Det nuki lena, ra det in mur a petutna ra i wakak umatan o God, a petutna ra, in pam pat a mani sur det in tene ululeng.

Luk 15:1

Ara bung a kum tene los takis ma a kum tene sakino det wan torom o Iesu sur det in longoro i.

Matiu 11:19

A Nutun a Musano i wanpat, i wangon ma i inum, ra det watungi uni lena, ‘Tama i, a musano ri a tene inangon ma a tene ininum, a pasan a kum tene los takis ma a kum tene sakino.’ Ikut a kum pinapam anun o God i upuaso i lena, anun a mananos i a mananos mulus.”

Luk 18:11

A Parisi i tur ma i wararing suri ut lenri, ‘God, a watung wakak torom ui, uni ka elar nam ara taro kai, a kum tene wolong, det ra ka det tokodos, ma det ra det pam a sakino nam tu ino anun taio o nam tu musano anun taio, ma ka elar kai nama tene los takis iri i.

Matiu 5:46

Ra mot nem det kut ra det nem mot, asau mo anumot a ikul? A kum tene los takis, ra ka det lason una marmaris det kai det ser pami lenra.

Matiu 6:7

“Ra mot in wararing, gong anumot a wasiso i walos ma mot wasiso oros kut, elar nama kum niaring anun a taro ra det lotu torom a kum torotoro na god. Uni det nuki lena, din longoro det ra det watung a susut na wasiso.

Matiu 10:3

o Pilip, o Batolomiu, o Tomas, o Matiu a tene los takis, o Jems a nutun o Alpius, ma o Tadius,

1 Korin 6:1

Ra ara tagun mot, anunu tu maut torom tu pasano una nurnur, sur asau ra in losi torom det ra ka det nurnur, sur det in warkurai i, ma awu sur torom a taro anun o God?