Matiu 18:10 - Nupela Testamen long tokples Kandas

^10-11 “Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.

Matiu 18:10 Referans Kwoze

Ibru 1:14

A kum ensel rop det a kum nion, ra det papam torom o God, niko? I tulu ru det sur det in warut a taro, det ra in ulaun det.

Luk 16:22

“Numur a nat na soi ra i mat, ra a kum ensel det los pasi ma det ukis tari upaporin o Abaram. Ra a tene gongon bulung i mat, ma di por ru i.

Matiu 24:31

In tuwuru in tangis bing, ra a Nutun a Musano in tulu pirso anun a kum ensel, sur det in ben tomo anun a taro na pipilok tagun a wat na matmatano wuwu, tagun ara papor rakrakon bual tuk tong una ara papor rakrakon bual.

Luk 1:19

Ra a ensel i balu i lena, “Iau o Gebriel, a ser tur umatan o God. I ut i tulu ru iau sur an inanos ui, ma an los a wakak na wasiso ri torom ui.

Matiu 18:14

Lenkutkai ra, a Tamamot ra i kis sapat una langit, ke nemi sur taio tagun a kum nat liklik ri in iru.

Matiu 18:6

Ikut, osi ra in ben raro ara tagun a kum nat liklik ri, ra det nurnur un iau, a warkurai toromi, in laulau doko tan taio, ra din kubus tar tu labino wat unin kabarano, ma din woro murungi sa umadu.

Matiu 2:19

O Erod i sa mat, ra a ensel anun a Labino i wanpat torom o Josep una ririon tiro o Ijip.

Matiu 2:13

Ra det sa wan taru, a ensel anun a Labino i wanpat torom o Josep una ririon ra i watungi lena, “Un katutur, un ben pas derano, ma motul in kalabor eno utong o Ijip. Ma motul in kis tong iai, tuk una bung ra an inanos melet ui, uni o Erod in sisio sur a natlik sur in um doko i.”

Matiu 1:20

Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion.

1 Tesalonaika 4:8

I mo ra osi ra i rosumur gusun a etowo ri, awu sur i rosumur gusun a taro, awu. I rosumur ut gusun o God, i ra i tabor dat nama Niono, a Tokodos na Nion.

1 Korin 11:22

Pepetlai, kalako kum rumu anumot sur mot in nangon ma mot in inum iai? Pepetlai, ka mot nuk labo pas a taro na lotu anun o God, ma mot ban umaimai det ra det sibo? Asau ra an watungi torom mot? Pepetlai, an watung ulabo pas mot una petutna ri? Awu!

1 Korin 16:11

Gong mot tama pisopiso i. Ra in milet urin torom iau, mot in tulu ru i nama malmal. Ma a kis langlang suri, ra in nanpat tomo nama kum tistisin dat.

A Pas anun o Pol torom a taro Rom 14:10

Ma ui, u lai ra u takun o tisim? U lai ra u tama pisopiso o tisim? Uni dat rop dat in tur numugu tan a kiskis na warkurai anun o God.

Aposel 27:23

Iau anun o God, ma a ser muri. Nanganong mirum, ara ensel anunu i wanpat torom iau.

Aposel 12:23

Uniutra, a ensel anun a Labino i umi, uni i madek a taro det watung ulabo pasi, ikut, i ut ke ulabo pas o God. Ra a kum suisui det wan a pinino, ra i mat.

Aposel 12:15

Ra det watungi tano lena, “U lai, u longlong?” Ma i ipul det kut lena, “I lingmulus ut, kuri kut i upiso.” Ra det watungi lena, “Kutiro anun a ensel kut mira.”

Aposel 10:3

A tulu pakano bung un ara lirop i tama ara tamtama. I tama pupuaso a ensel anun o God i wanpat toromi ma i kabo i lena, “Konelias!”

Aposel 5:19

Ra una mirum, ara ensel anun a Labino i papos a kum matansako ina rumu na karabus, ra i ben pirso ru det

1 Timoti 4:12

Gong u madek tar taio sur in tama pisopiso ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri.

1 Korin 9:22

Ra a kis tomo nama taro ra ka det dekdek, iau kai ka dekdek, sur an ben pukus pas det torom o Karisito. A elaro iau sur an elar nama kum ngas na taro rop, ma a mur a kum ngas na kisapi rop sur an ulaun lako taro.

A Pas anun o Pol torom a taro Rom 15:1

Dat ra dat tur dekdek, i wakak sur dat in warut det ra ka det tur dekdek una nurnur. Ma gong dat nuk pas dat kut.

A Pas anun o Pol torom a taro Rom 14:21

I wakak sur gong u wan tar a komonong ina kum wewegua, ma gong u inum a wain, ma tu ngas na utna kai lenra, sako a pinapam ra in ban ling tar o tisim sur in puku.

Tamtama 8:2

Ra a tama a wonom mawit na ensel ra det ser tur numugu tan o God, ma di pitar tar a wonom mawit nin tuwuru tandet.

Galesia 6:1

A kum tistising, ra tu tene nurnur i puku una sakino, mot ra a Tokodos na Nion i mugu mot, mot in ukatutur melet pasi nama petutna na urur. Ikut mot in tumarong mot ut, sako mot bulung mot in puku un tu ululam.

2 Korin 10:10

Uni a ramano taro det watungi lena, “Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.”

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

Luk 10:16

“Osi ra in longoro mot, i longoro iau ut. Ma osi ra in rosumur gusun mot, i rosumur gusun iau utkai. Ma osi ra i rosumur gusun iau, i rosumur utkai gusun o naro ra i tulu ru iau urin.”

Matiu 12:20

Ken pak in nere ra i tulukun, ma ken wup doko a lam ra ke kunabor wakak. In pami lenra tuk ra a tokodos na warkurai in winim pas a sakino.

Ibru 9:24

Uni o Karisito ke ruk una nubual ra i Tabu Sakit, ra a taro det pami, awu. A nubual ra, a malalar kut tagun a nubual mulus ra i Tabu Sakit. I ruk usapat ut una langit ma uniri i ser tur umatan o God sur in warut dat.