Matiu 14:10 - Nupela Testamen long tokples Kandas

¹⁰ A kum tene inaim det wan utong una rumu na karabus ma det tau kutus pas in kabaran o Jon.

Matiu 14:10 Referans Kwoze

Matiu 17:12

Ikut uniri a watungi torom motul lena, o Elaija i sa wanpat taru, ma ka det tasman lele i, det pam a kum sakino petutna uni, elar ut nam anundet a nemnem. Lenkutkai ra torom a Nutun a Musano, in taramo a ngunungut ulaman a taro.”

Tamtama 11:7

Ra der sa urop ru anunder a wasiso puaso, a kuabor na wewegua ra in nan toto gusun in labino tung ra katu tuktukino, in waim tomo nam der. In winim pas der ma in um doko ru der.

Luk 9:9

Ikut o Erod i watungi lena, “A sa tau kutus ru tar in kabaran o Jon, ma iri, osi na musano melet ri, a longoro a kum utna ri uni?” Ra i nem doko i sur in tama o Iesu.

A Wakak na Wasiso un o Iesu Karisito o Mak i tumusi 9:13

Ikut uniri a watungi torom motul lena, o Elaija i sa wanpat taru, ma det pam a kum sakino petutna uni, elar ut nam anundet a nemnem. A kum utna ri un o Elaija, i elar nama wasiso ra di sa tumus tari una Buk Tabu.”

Matiu 14:9

A king i tupunuk doko. Ikut i tulu a kum tene inaim sur det in pam sot a sasaring anun a toraro ra, uni i sa uliliman tari lena asau mukut ra in saringi tano in tabori ut nami, ma a taro ra det kis tomo nami una inangon, det sa longoro tar anun a wasiso.

Matiu 14:11

Det ubek pas in lorino una pelet ma det pitari torom a toraro, ra i losi torom o nano.