Matiu 12:25 - Nupela Testamen long tokples Kandas

²⁵ O Iesu i sa tasman a nuknukin det, ra i watungi tandet lena, “Ra tu gapman det melet ut det in waim etalai, a gapman ra in rop kut. Ra tu tamon, o lako taro tagun tu rumu, det in waim etalai melet kut, ka det in kis tomo melet mo.

Matiu 12:25 Referans Kwoze

Galesia 5:15

Ikut ra mot ukadik etetalai mot elar nama kum wewegua ra det karot etetalai det ma det wan etetalai det, mot in tumarong mot, sako mot in ban laulau rop ru mot.

1 Korin 2:11

Osi ra i tasman a nuknukin taio? A nion a musano sot kut, ra kura uni, i tasmani. Lenkutkai ra, kataio i tasman a nuknukin o God. A Nion o God sot kut i tasmani.

Matiu 9:4

Ma o Iesu i tasman a nuknukin det, ra i ting det lena, “Sur asau ra mot nuknuk laulau?

Tamtama 16:19

A labino tamon Babilon i terege sur a tulu nubual, ma a kum lamlabino tamon anun a taro tagun a kum gapman rop det terege rop. O God i nuk pas a labino tamon Babilon ma i pitar a kap na wain toromi sur in inumi. A kap ra i bukus nama karangop ina nun a kankan.

Ibru 4:13

Ra katu utna ra o God i sa ukis tari i parau umatano. A kum utna rop i tur talapor umatano ma katu utna i bakit. Ma numur dat in tur umatano ma dat in watung puaso a kum utna rop ra dat sa pam tatari.

A Wakak na Wasiso un o Iesu Karisito o Mak i tumusi 2:8

Uniutra, tiro una nion o Iesu i tasman a nuknukin det. Ra i ting det lena, “Sur asau ra mot nuknuk lenra?

Tamtama 2:23

Ma an um doko a kum nutnutun o Jesabel, sur a taro na lotu rop det in tasmani lena, a tasman a balan a taro ma a nuknukin det rop, ma an balu i torom mot taktakai elar ut nam anumot a kum pinapam.

A Wakak na Wasiso un o Iesu Karisito o Jon i tumusi 21:17

Ra o Iesu i mantul u watungi tano lena, “Saimon, nutun o Jon, pepetlai, u nem iau?” O Pita i tupunuk, uni o Iesu i tingi a tulu dino lena, “U nem iau?” I watungi tano lena, “Labino, u tasman a kum utna rop. U tasmani lena a nem ui.” Ma o Iesu i watungi tano lena, “Un tabor anung a kum sipsip.