Matiu 10:40 - Nupela Testamen long tokples Kandas

⁴⁰ “Osi ra in gas pas mot, i gas pas iau utkai, ma osi ra i gas pas iau, i gas pasi utkai o naro ra i tulu ru iau urin.

Matiu 10:40 Referans Kwoze

A Wakak na Wasiso un o Iesu Karisito o Jon i tumusi 13:20

A inanos mot nama lingmulus, osi ra i gas pas o naro ra a tulu i, i gas pas iau utkai. Ma osi ra i gas pas iau, i gas pasi utkai o naro ra i tulu ru iau urin.”

Luk 9:48

Ma i watungi tandet lena, “Osi ra in gas pas a natlik ri una risang, i gas pas iau ut. Ma osi ra in gas pas iau, i gas pasi utkai o naro ra i tulu ru iau urin. Uni i ra i natino tamot rop, i ut ra i labo sakit.”

Luk 10:16

“Osi ra in longoro mot, i longoro iau ut. Ma osi ra in rosumur gusun mot, i rosumur gusun iau utkai. Ma osi ra i rosumur gusun iau, i rosumur utkai gusun o naro ra i tulu ru iau urin.”

Matiu 18:5

“Osi ra in gas pas tu natlik lenri una risang, i gas pas iau ut.

2 Jon 1:9

Osi ra i wan gisen pas gusun a kum etowo anun o Karisito ma ke muri, o God awu sur kura uni. Ikut osi ra i mur a kum etowo ri, a Tamandat ma o Nutunu kura der uni.

A Wakak na Wasiso un o Iesu Karisito o Jon i tumusi 20:21

O Iesu i watung meleti tandet lena, “A malmal torom mot. O Tita i tulu ru iau, lenkutkai ra a tulu mot.”

Matiu 25:40

“A king in balu det lena, ‘A inanos mot nama lingmulus, asau ra mot sa pam tari torom tu musano oros kut tagun a kum tistising ri, mot sa pam tari ut un iau.’

1 Tesalonaika 4:8

I mo ra osi ra i rosumur gusun a etowo ri, awu sur i rosumur gusun a taro, awu. I rosumur ut gusun o God, i ra i tabor dat nama Niono, a Tokodos na Nion.

Galesia 4:14

Anung a misait i pitar a maut torom mot, ikut ka mot nget iau, ma ka mot rosumur gusun iau, awu. Mot gas pas iau kut elar nam ara ensel anun o God, o elar nam o Karisito Iesu ut.

A Wakak na Wasiso un o Iesu Karisito o Jon i tumusi 5:23

sur a taro rop det in ru o Nutunu elar nami ra det ru o Tamano. Osi ra ke ru o Nutunu ke ru i kai o Tamano, i ra i tulu ru i urin.

A Wakak na Wasiso un o Iesu Karisito o Mak i tumusi 9:37

“Osi ra in gas pas tu natlik lenri una risang, i gas pas iau ut. Ma osi ra in gas pas iau, awu sur i gas pas iau kut, i gas pasi utkai o naro ra i tulu ru iau urin.”

Matiu 25:45

“In balu det lena, ‘A inanos mot nama lingmulus, asau ra ka mot pam tari torom tu musano oros kut, ka mot pami kai un iau.’

2 Korin 5:20

I mo ra met tur ukinalong o Karisito. Ra met wasiso, i elar nam o God ut i saring mot sur mot in emarom nami, ma met saring mot una risan o Karisito, sur mot in emarom nam o God.