Luk 8:2 - Nupela Testamen long tokples Kandas

² ma a kum wardain kai, ra i sa lakro ru tar a kum laulau na nion gusun det, ma i sa ulangolango pas det gusun a kum misait. Iri a kum risandet: O Maria, ara risano kai o Magdalen, i ra a wonom mawit na laulau na nion det pirso pas gusuni,

Luk 8:2 Referans Kwoze

A Wakak na Wasiso un o Iesu Karisito o Mak i tumusi 16:9

O Iesu i katutur melet gusun a minat una kobot raut una mugano bung una wik. Ra i wanpat mugu torom o Maria Magdalen, i ra numugu o Iesu i lakro ru tar a wonom mawit na laulau na nion gusuni.

A Wakak na Wasiso un o Iesu Karisito o Jon i tumusi 19:25

O nan o Iesu i tur milau nisan in nanai kutus anun o Iesu. I tur tomo nama tisino a ino, ma o Maria kai a ino anun o Klopas, ma o Maria Magdalen.

Aposel 1:14

Det tomo nam o Maria o nan o Iesu, ma a kum tistisin o Iesu, ma a ramano kum wardain kai. Det rop ka det mana nama niaring una kum bung.

Luk 23:55

A wardain ra det wan tomo nam o Iesu tagitong o Galili, det mur o Josep, ra det tama tar a kulam na minat, ma a ngas na ininep ra di pami una minatin o Iesu.

Luk 23:49

Ikut, a kum paspasan o Iesu, ma a wardain ra det muri tagitong o Galili, det tur bakbak taru ut, ma det tama a kum utna ri.

Luk 23:27

A labino kunur na taro det mur o Iesu. Epotor tandet a wardain utkai, ra det tupunuk ma det tangisi.

Luk 8:30

O Iesu i tingi lena, “A risam osi?” Ma i balu i lena, “A risang A Kabo Liur,” uni a susut na laulau na nion det sa ruk taru uni.

A Wakak na Wasiso un o Iesu Karisito o Mak i tumusi 16:1

Ra a Bung na Sabat i sa rop, o Maria Magdalen, ma o Salomi ma o Maria o nan o Jems, detul kul pas a kum utna ra i sangsangnain sur detul in mar a minatin o Iesu nami.

Matiu 4:24

Ma a wasiso un o Iesu i wan sarara una papor Siria rop. Ra det ben rop pas a taro ra a kum wur ngas na misait i ban laulau det, a taro ra a dekdek na ngunungut i ban laulau det, ma det ra a kum laulau na nion kura un det, det kai ra det ser mat lalang ma det ra a pinpinin det i mat. Ra o Iesu i ulangolango pas det rop.