Luk 7:13 - Nupela Testamen long tokples Kandas

¹³ Ra a Labino i tama a ino ra, i marisi ma i watungi lena, “Gong mo u tangis.”

Luk 7:13 Referans Kwoze

Ibru 4:15

I tasmani lena katu dekdekin dat sur dat in winim pas a sakino, ma i maris pas dat. Uni di sa lar mugu tari nama wur ngas na ululam rop lenkutkai ra di ser lar dat nami, ikut ke pam tu sakino petutna.

Luk 8:52

A taro rop det kukukuk ma det domos, ra o Iesu i watungi tandet lena, “Gong mot domos. A inolik ri awu sur i mat, i inep dumun kut.”

Ibru 2:17

Iri a kibino ra o Iesu i wanpat elar ut nama kum tistisino una kum utna rop, sur in mugumugu na tene etabor torom o God ma una nun a pinapam ra torom o God, in ese a marmaris torom a taro, ma a lingmulus na petutna. In pitar anun a nilaun sur in mat, ma o God in unus ru a kum sakino petutna anun a taro, ma in urop ru anun a kankan ma ken kankan melet mo torom det.

A Wakak na Wasiso un o Iesu Karisito o Jon i tumusi 20:15

O Iesu i tingi lena, “Le, ulai ra u tangis? Osi ra u sisio suri?” O Maria i nuki lena a musano ra, i a tene tamtamabat tagun a kinobot, ra i watungi tano lena, “Ra ui u los gisen ru a minatin o Iesu, un inanos iau ra kura u inep tari awai, sur an nan ma an los pasi.”

A Wakak na Wasiso un o Iesu Karisito o Mak i tumusi 8:2

“A maris doko a taro ri, uni det sa kis tomo nam iau nin, a tulu bung, ma kalako utna na inangon sur det in nani.

Luk 24:34

Det watungi lena, “A lingmulus ut! A Labino i sa katutur melet, ma i tur pat torom o Saimon.”

Luk 17:5

A kum aposel det watungi torom a Labino lena, “Un ulabo pas anumet a nurnur.”

1 Korin 7:30

Ma det ra det tangis, det in laun lari ra ka det tangis. Ma det ra det gas, det in laun lari ra ka det gas. Ma det ra det kukul, det in laun lari ra kalako utna anundet.

A Wakak na Wasiso un o Iesu Karisito o Jon i tumusi 20:13

Der tingi lena, “Le, ulai ra u tangis?” I balu der lena, “Det sa los gisen ru anung a Labino, ma ka tasmani ra kura mo di inep tari awai.”

Luk 13:15

A Labino i balu i lena, “Mot a kum tene torotoro! Mot rop arara, mot ser palos ru anumot a kum bulumakau ma a kum dongki gusun anundet a kum rumu, ra mot ben pirso det una Bung na Sabat sur det in inum.

Luk 10:1

Numur a Labino i pilok pasi bulung a wonom mawit na noino ma aru musano kai, ma i tulu ru det aruru sur det in mugu tano una kum labino tamon, ma una kum tamon liklik, ra numur in nan iai.

Luk 7:19

ra i tulu ru der torom a Labino sur der in tingi lena, “Ui mo ra di wasiso mugu taru un ui lena, un nanpat, o met in kis langlang utmakai sur taio?”

1 Tesalonaika 4:13

A kum tistisi metul, metul nemi sur mot in mananos un det ra det sa mat, ma gong mot tupunuk dekdek elar nama taro ra ka det nurnur una katkatutur melet gusun a minat.

Luk 22:61

A Labino i tupukus, i tamtama tokodos torom o Pita, ra o Pita i nuk pas a wasiso anun a Labino ra i sa watung tari tano lena, “Uniri, a kereke ken kurkurirakuk utmakai, ra un ipul a tulu dino lena, ko tasman iau.”

Luk 7:12

Ra i wanpat milau una matansako ina tamon, a taro Nain det los pirso ara minat, a barman, i ara sot kut a nutun ara ula. A susut na taro tagitong una tamon ra det wan tomo nama ula.

Luk 7:14

I wan milau, ma i pam a lu ra di los a minat nami, ma a taro ra det los a minat det tur sikot. I watungi lena, “Barman, a watungi tam, un katutur.”

Luk 11:1

Ara bung o Iesu i wararing un ara nubual. Ra i sa wararing rop, ara tagun anun a kum nat na ususer i watungi tano lena, “Labino, un ususer met nama niaring, elar nam o Jon i ususer anun a kum nat na ususer.”

Luk 11:39

Ra a Labino i watungi tano lena, “Mot a kum Parisi mot ser gos pasi kut a surun a kap ma a pelet, ikut a balamot i bukus nama petutna na ungongos pas a utna tan taio ma a kum sakino petutna.

Luk 12:42

A Labino i balu i lena, “A tene tamtamabat ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul, sur in ser tabor det nama andet a utna na inangon una kum du bung na inangon.

Luk 17:6

Ma a Labino i watungi lena, “Ra anumot a nurnur in natino elar namin pitino mastad, mot in pet lar pasi sur mot in watungi tan in nanai ri lena, ‘Un taragot, ma un tur sa utasi,’ in muri kut anumot a wasiso.

Luk 18:6

A Labino i watungi tan a kum nat na ususer lena, “Mot in longoro a wasiso anun a tene warkurai ra ke lingmulus una nun a pinapam.

Luk 19:8

O Sakias i tur ra i watungi tan a Labino lena, “Tama i, Labino, ara kukur utna tagun anung a ululeng an tabor a kum sibo na taro nami. Ra a sa toro pas lako utna tan taio, an balu meleti toromi a wat na dino.”

Luk 24:3

Det ruk, ikut ka det tama i mo a minatin a Labino o Iesu.

A Wakak na Wasiso un o Iesu Karisito o Jon i tumusi 4:1

A kum Parisi det longoro i lena o Iesu i ben pas a susut na taro na ususer, ra det susut taun a taro na ususer anun o Jon, ma i baptaiso det.

A Wakak na Wasiso un o Iesu Karisito o Jon i tumusi 6:23

A ramano kum pot tagitong o Taiberias det sot milau una nubual ra a Labino i watung wakak una beret, ma a kunur na taro det wangon iai.

A Wakak na Wasiso un o Iesu Karisito o Jon i tumusi 11:3

O Maria der sinoino nam o Mata der pitar ru a wasiso sur o Iesu lenri, “Labino, a pasam, ra u ser nem doko i, i misait.”