Luk 6:27 - Nupela Testamen long tokples Kandas

²⁷ “An watungi tamot ra mot longoro iau, mot in nem anumot a kum ebar, ma mot in pam a wakakino torom det ra det nget mot.

Luk 6:27 Referans Kwoze

1 Tesalonaika 5:15

Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.

Luk 6:35

Ikut mot in nem anumot a kum ebar, ra mot in pam a wakakino torom det. Ra a taro det nemi sur det in los pas tu utna munung gusun mot, mot in pitari kut, ma gong mot nemi sur det in balu i. Ra mot in pami lenra, anumot a ikul in labo sakit, ma mot a kum nutnutun o God a Labino Sakit, ra i ser maris det ra ka det ser watung wakak toromi, ma a kum tene sakino kai.

Galesia 6:10

Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.

A Wakak na Wasiso un o Iesu Karisito o Mak i tumusi 4:24

O Iesu i wasiso liklik utmakai ra i lena, “Mot nuknuk wakak un asau ra mot longoro i. Ra mot in longoro wakak, o God in pitar a labino tastasman torom mot. Mot in utur ukai a tastasman ra i labo sakit.

Aposel 10:38

Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Aposel 7:60

Ra i sing a ru but na kikino una piso, ma i kakabo lena, “Labino, gong u balu a sakino petutna ri det pami.” I watung len tari ra, ra i mat.

Luk 23:34

Ra o Iesu i watungi lena, “Tita, un unus ru anundet a sakino petutna, uni ka det tasman asau ri det pami.” Ma det pilai laki sur det in isuaro anun a kum malu torom det taktakai.

Luk 8:18

I mo ra mot in nuknuk wakak una wasiso ra mot longoro i. Osi ra i pam ukai a mananos una wasiso anun o God, din tabor meleti nama labino. Ma osi ra ke pam ukai tu mananos una wasiso anun o God, din rakon ru i utkai asau lik ra i nuki lena i pam ukai i.”

Luk 8:15

Ikut a kum pitino ra det puku una wakak na piso, det elar nam ara taro ra det longoro a wasiso, ma a balandet i wakak ma i tokodos, ra det pam ukai dekdek a wasiso ra det muri tuk det wu a windet.

Luk 8:8

A ramano kum pitino kai det puku una wakak na piso. Det lubung pat ra det wu. Tektekene i wu ara mar na wino.” Ra i sa watung tar a kum wasiso ri tandet, i watungi lena, “Osi ra arin talngano kura, i wakak sur in longoro nami.”

Luk 6:22

Mot dan ra a taro det nget mot, o det pilok ru mot ma det watung laulau mot, ma det ban laulau a risamot, uni mot tagun a Nutun a Musano.

3 Jon 1:11

A wakak na pasang, gong u tamtama ususer una sakino petutna, un muri kut a wakakino. Osi ra i pam a wakakino, i anun o God, ma osi ra i pam a sakino, ke tasman o God.

Aposel 16:28

Ikut o Pol i kakabo dekdek toromi lena, “Gong u ban laulau ui. Met rop kuri kut met.”