Luk 6:22 - Nupela Testamen long tokples Kandas

²² Mot dan ra a taro det nget mot, o det pilok ru mot ma det watung laulau mot, ma det ban laulau a risamot, uni mot tagun a Nutun a Musano.

Luk 6:22 Referans Kwoze

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

1 Pita 3:14

Ikut, ra din ukadik mot kibino una numot a tokodos na petutna, mot dan. “Gong mot ngaran a kum utna ra det in ungaran mot nami, ma gong mot neder.” Ais 8:12-13

A Wakak na Wasiso un o Iesu Karisito o Jon i tumusi 16:2

Det in turbat mot gusun a kum rumu na lotu. Numur a du bung in nanpat, ra a taro ra det um doko mot, det in nuki lena det pami ut a pinapam anun o God.

A Wakak na Wasiso un o Iesu Karisito o Jon i tumusi 7:7

A taro tagun a rakrakon bual ka det in nget mot, ikut det nget iau, uni a inanos det una nundet a kum sakino petutna.

A Wakak na Wasiso un o Iesu Karisito o Jon i tumusi 12:42

A susut na taro det nurnur un o Iesu. A ramano kum mugumugu kai tagun a taro Juda det nurnur, ikut ka det wasiso puaso uni, sako a kum Parisi det in turbat ru det gusun a kum rumu na lotu.

Aposel 24:5

“Met tama i lena a musano ri a tene pam purpuruon, i ser turpas a kum purpuruon epotor torom a taro Juda una rakrakon bual rop. Ma i a mugumugu tagun ara torotoro na lotu di watungi nama lotu Nasaret.

Aposel 9:16

Ma an inanosi lena, in taramo a susut na mamaut una risang.”

A Wakak na Wasiso un o Iesu Karisito o Jon i tumusi 17:14

A sa watung tar anum a kum wasiso tandet, ma a rakrakon bual i nget det, uni awu sur det taginin una rakrakon bual, elar nam iau kai, awu sur iau taginin una rakrakon bual.

Luk 21:17

A taro rop det in nget mot uni mot anungi.

Matiu 10:39

Osi ra i maris bat anun a nilaun, in iru, ma osi ra ke maris bat anun a nilaun uni i tagun iau, in laun.

Aposel 22:22

A taro det longoro a wasiso anun o Pol tuk ut una wasiso ri. Numur det kukukuk nama labino walngandet lena, “Din um doko ru i! Din lakro ru i gusun a rakrakon bual. Ke sot sur in laun.”

A Wakak na Wasiso un o Iesu Karisito o Jon i tumusi 9:34

Det balu i lena, “Di usus pas ui una sakino petutna, ma ui, u nemi sur un ususer met!” Ra det lakro ru i mut gusun a rumu na lotu.

Luk 20:15

Ra det sugut pirso ru i tagun a kinobot, ma det um doko ru i. “Asau mo a taman a kinobot na wain in pami un det?

Matiu 10:18

Ma din dat pas mot sur a warkurai sa numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det ma torom a taro ra awu sur a taro Juda.

Luk 6:21

Mot ra uniri mot murak, mot dan, uni numur mot in masur. Mot ra uniri mot tangis, mot dan, uni numur mot in nongon.

Jems 1:12

O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.