Luk 6:21 - Nupela Testamen long tokples Kandas

²¹ Mot ra uniri mot murak, mot dan, uni numur mot in masur. Mot ra uniri mot tangis, mot dan, uni numur mot in nongon.

Luk 6:21 Referans Kwoze

A Wakak na Wasiso un o Iesu Karisito o Jon i tumusi 6:35

O Iesu i balu det lena, “Iau ut a beret na nilaun. Osi ra in nan torom iau ken murak, ma osi ra in nurnur un iau ken muruk melet mo.

Matiu 5:6

Det ra det murak ma det muruk sur a tokodos na petutna, det dan, uni numur det in masur.

Jems 1:12

O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.

Luk 1:53

I tabor masur a taro ra det murak nama kum wakak na utna, ikut i tulu ru a kum tene gongon nama gowono lamandet.

Matiu 5:4

Det ra det domos nama tupunuk, det dan, uni o God in umarom det.

Tamtama 7:16

Ka det in murak, ma ka det in muruk melet mo. In matanas ken sa det, ma katu utna ra i mararong doko kai in tun det.

Luk 6:25

In laulau torom mot ra uniri mot masur, uni numur mot in murak. In laulau torom mot ra uniri mot nongon, uni numur mot in tupunuk ma mot in tangis.

1 Korin 4:11

Tuk uniri met murak, ma met muruk, met pipis a kum tartararos na malu, di um laulau met, ma katu rumu anumet.

A Wakak na Wasiso un o Iesu Karisito o Jon i tumusi 4:10

Ikut o Iesu i balu i lena, “Ra u tasman a etabor anun o God, ma u tasman osi kai ra i saring ui sur lako danim, un saringi, ma in tabor ui nama danim na nilaun.”

Tamtama 21:3

Ma a longoro in labino walngan ara tagisapat una kiskis na king i watungi lena, “Tama i, a tamon anun o God i sa kis torom a taro, ma i ut in kis tomo nam det. Ma det anun a taro, o God in kis tomo nam det, ma i ut a God anundet.

2 Korin 12:10

I mo ra a gas doko ra kalako dekdeking, ma di watung laulau iau, ma a taramo a kum mamaut, ma a taro det ukadik iau, ma a taramo a dekdek na tupunuk, uni a nurnur un o Karisito. A gas, uni a tasmani lena, ra kalako dekdeking an dekdek.

2 Korin 11:27

A dekdek ma a papam dekdek ut. A susut na bung na mirum ka inep. A susut na dino a muruk ma a murak. A susut na dino ka wan tu utna. A ramano kum dino a sibo sur a malu ma a taramo a kotokoto.

2 Korin 6:10

Met tupunuk, ikut met ser gas una kum bung rop. Met sibo, ikut met warut a susut na taro sur anundet a susut na utna. Kalako utna anumet, ikut a kum utna rop anumet.

A Wakak na Wasiso un o Iesu Karisito o Jon i tumusi 11:35

Ra o Iesu i tangis.

Luk 6:20

O Iesu i tama anun a taro na ususer ra i watungi lena, “Mot ra mot sibo, mot dan, uni a matanitu anun o God, anumot!

Luk 6:22

Mot dan ra a taro det nget mot, o det pilok ru mot ma det watung laulau mot, ma det ban laulau a risamot, uni mot tagun a Nutun a Musano.