Luk 22:29 - Nupela Testamen long tokples Kandas

²⁹ Ma an pitar tar a kinkinis na king tamot elar nam o Tita i sa pitar tari tang,

Luk 22:29 Referans Kwoze

2 Timoti 2:12

Ra dat in taramo a ngunungut tomo nami, dat in warkurai tomo utkai nami una nun a matanitu. Ra dat in ipul ru i, i kai in ipul ru dat kut.

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

Jems 2:5

A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi.

Matiu 28:18

O Iesu i wan milau det, ma i watungi tandet lena, “O God i sa pitar rop tar a warkurai tang, sur an warkurai sur a kum utna rop sapat una langit ma nin kai upiso.

Matiu 24:47

A inanos mot nama lingmulus, anun a labino in ubek tari sur in tene tamtamabat una nun a kum utna rop.

Luk 12:32

“A nat na kunur na sipsip, gong mot ngara, uni a Tamamot i sa gas sur in pitar tar a matanitu torom mot.

Luk 19:17

I balu i lena, ‘Wakak sakit, ui a wakak na tultul! An ubek tar ui sur un tamtamabat a noino lamlabino tamon, uni u lingmulus una nat na utna.’

1 Pita 5:4

Ra a Labino Tene Tamtamabat anun a kum sipsip in nanpat, mot in rakon a kukup na minamar ra a minamarino ken rop.

1 Korin 9:25

A taro rop ra det ser wapap, det ulason dekdek a pinindet. Det pami sur det in los pas a ikul ra in rop kut. Ikut dat, dat ulason dat sur dat in los pas a ikul ra ken rop.

2 Korin 1:7

Met nurnur mulus un mot lena, mot in tur dekdek ut, uni met tasmani lena, mot taramo a ngunungut tomo nam met. Lenkutkai ra, mot in taramo a umumarom anun o God tomo nam met.

Tamtama 21:14

In kibin noworo ina tamon ra, di pami nama noino ma aru wat. Ma una kum watat ra, di sa tumus tar a risan a noino ma aru aposel anun a Barman na Sipsip.

Matiu 5:3

“Det ra det tasmani lena det sibo una niondet, det dan, uni anundet a matanitu tagisapat una langit.

Matiu 5:10

Det ra di ban laulau det uni det mur a tokodos na petutna, det dan, uni anundet a matanitu tagisapat una langit.

Matiu 25:21

Anun a labino i balu i lena, ‘Wakak sakit, ui a wakak na tultul, u lingmulus una num a pinapam. An ubek tar ui sur un tamtamabat lako susut na utna, uni u lingmulus una kum nat na utna ri. Ra uniri dar in nan ma dar in gas tomo.’