Luk 18:1 - Nupela Testamen long tokples Kandas

¹ O Iesu i watung a wasiso elelar torom anun a kum nat na ususer sur in ese det lena, det in wararing bolbolos, ma gong a pinindet i ngoro.

Luk 18:1 Referans Kwoze

Kolosi 4:2

Mot in dekdek nama niaring. Ra mot wararing, a nuknuki mot in talapor, ma mot in watung wakak torom o God.

A Pas anun o Pol torom a taro Rom 12:12

Mot in kis langlang nama gasgas sur a kum utna ra numur a Labino in tabor mot nami. Ra mot etorom a kum mamaut, mot in tur dekdek, ma gong mot mana nama niaring.

1 Tesalonaika 5:17

Gong mot mana nama niaring.

Pilipai 4:6

Gong mot nuknuk doko sur tu utna. Una kum utna rop, mot in wararing nama niaring na watung wakak torom o God. Ma mot in inanosi una numot a kum nemnem.

Epeses 6:18

Mot in wararing nama dekdekin a Tokodos na Nion una kum bung rop, nama kum wur ngas na niaring rop. Mot in kis na waninar, ma mot in ser wararing sur a taro rop anun o God.

Luk 21:36

Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.”

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

2 Korin 4:1

O God i maris met ra i pitar tar a pinapam ri tamet. Iri a kibino ra ka met tusako.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

Luk 11:10

Uni det rop ra det sasaring din tabor det, ma osi ra i sisio in sio pasi, ma osi kai ra i pinpidik, din papos pasi.