Luk 13:28 - Nupela Testamen long tokples Kandas

²⁸ Ra mot in tama o Abaram, o Aisak ma o Jekop ma a kum poropet rop una matanitu anun o God, mot in tangtangis, ma mot in ungingit lokomot iai. Ikut din lu pirso ru mot.

Luk 13:28 Referans Kwoze

Matiu 25:30

Ra mot in woro pirso ru a tultul ri, ra ke gas un tu utna, una dumirum, a nubual ra di tangtangis ma di ungingit lokondi iai.’

Matiu 22:13

Ra a king i watungi tan anun a kum tultul lena, ‘Mot in ker pas aru kikino ma aru lamano ma mot in woro pirso ru i unago utamon una dumirum. Tiro iai di tangtangis ma di ungingit lokondi iai.’

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

2 Tesalonaika 1:5

A kum utna rop ri, i upuaso i lena, a warkurai anun o God i tokodos. Mot taramo a ngunungut, uni mot ulabo anun a matanitu. I mo ra, o God in watung mot lena, mot tokodos sur anun a matanitu.

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.

2 Pita 1:11

ma o Iesu Karisito, anundat a Labino ma anundat a Tene Ulaun in ben ruk mot nama gasgas una nun a matanitu ra ken rop.

Luk 16:23

I kis una labino sungun, i taramo a labino ngunungut. I tatado usapat netes, ra i tama o Abaram i bakbak doko, ma o Lasarus kai kura una paporino.

Luk 14:15

Ara tagun det ra det wangon tomo nam o Iesu i longoro a kum wasiso ri, i watungi tano lena, “Det ra det in nangon una lukaro una matanitu anun o God, det dan.”

Luk 10:15

Ma mot kai a taro Kapernaum, pepetlai, mot nuki lena din ulabo pas mot usapat netes? Awu, din woro pirso ru mot kut una labino sungun.

Matiu 24:51

Ra a labino in tau kutkutusi, ma in pitar tar a warkurai na minabalu toromi, sur in kis tomo nama kum tene torotoro, una nubual ra di tangtangis ma di ungingit lokondi iai.

Matiu 13:50

Ra det in woro ru a kum tene sakino una labino sungun. Det in tangtangis ma det in ungingit lokondet iai.

Matiu 13:42

Ma det in woro det una labino sungun. Det in tangtangis ma det in ungingit lokondet iai.