Luk 12:37 - Nupela Testamen long tokples Kandas

³⁷ Ra a labino in nanpat, ma anun a kum tultul det sa waninar, det dan. A inanos mot nama lingmulus, in emar pas sur in pam anun a pinapam, ma in ukis tar det nisan a kabulu na inangon ma in tabor det.

Luk 12:37 Referans Kwoze

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

Matiu 24:42

“I mo ra mot in tumarong, uni ka mot tasman a bung ra anumot a Labino in nanpat uni.

Pilipai 1:23

Aru nuknuking. Ara, a nem doko i, sur an nan ma an kis tomo nam o Karisito, i ra i wakak sakit tan ara pasander.

1 Korin 2:9

Ikut, i elar nama wasiso ra di sa tumus tari una Buk Tabu lenri, “A kum utna ra kataio i tama i, ma kataio i longoro i, ma ke wanpat tagun a nuknukin taio, a kum utna ra, o God i sa waninar tari sur det ra det nem doko i.” Ais 64:4

Tamtama 14:13

Numur a longoro in nalngan ara tagisapat una langit i watungi lena, “Un tumus a wasiso ri: Det ra det mat nama nurnur una Labino, turpasi uniri ma tuk numur, det dan.” A Tokodos na Nion i watungi lena, “Lingmulus, det in mana gusun anundet a kum pinapam, uni anundet a kum pinapam ra det sa pam tari in nan tomo nam det.”

2 Pita 1:11

ma o Iesu Karisito, anundat a Labino ma anundat a Tene Ulaun in ben ruk mot nama gasgas una nun a matanitu ra ken rop.

A Wakak na Wasiso un o Iesu Karisito o Jon i tumusi 12:26

Ra taio i nemi sur iau anun a Labino, i wakak sur in mur iau, ma i anung a tultul ra in kis tomo nam iau una dino ra an kis iai. Osi ra i papam torom iau, o Tita in ulabo pasi.

Luk 21:36

Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.”

Tamtama 7:17

Uni a Barman na Sipsip ra i kis epotor una kiskis na king, i anundet a tene tamtamabat. In mugu det sur a kum matmatano danim na nilaun. Ma o God in wus ru a kum lurlur na matandet rop.”

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.

Pilipai 1:21

Uni a nuknuking i lenri: Ra a laun, a laun sur o Karisito. Ra an mat, an rakon pas a labino utna sakit.

Luk 17:8

Un watungi tano lenri, ‘Un emar pas, un waninar anga utna na inangon, ma un tabor iau, ra an nangon ma an inum. Ra numur ui bulung un nangon ma un inum.’

Luk 12:43

A tultul ra, in dan ra anun a labino in nanpat ma in tama i ra i pam sot pas anun a pinapam.

Luk 12:36

Ma mot in elar nama kum tultul ra det kis langlang sur anundet a labino ra in milet melet tagun a lukaro na nolin. Ra in nanpat ma in pinpidik, uniutra det in papos pasi.

Luk 22:27

Osi ra i labo? O naro ra i kis una inangon, o, o naro ra i ser taromlu i? I ut ra i kis una inangon, niko? Ikut iau, a kis epotor tamot elar nami ra i ser taromlu.

Tamtama 16:15

“Tama i, an nanpat elar nama tene wolong. Osi ra i kis na tamtamabat ma i waninar anun a kum malu, i dan, sur gong i mengere ma i maimai.”