Luk 12:20 - Nupela Testamen long tokples Kandas

²⁰ Ikut o God i watungi tano lenri, ‘Ui a longlong! Uniutri una mirum, un mat! Osi mo in los a kum ululeng ra u sa ubek tomo tari sur ui?’

Luk 12:20 Referans Kwoze

1 Timoti 6:7

Ra dat wanpat nin una rakrakon bual ka dat los tu utna, ma ra dat in milet, ka dat in los tu utna kai taginin.

Jems 4:14

Ikut ka mot tasman asau ra in nanpat torom mot markan. Anumot a nilaun i elar nama sau? Mot elar kut namin nawal, ra i wanpat pas kut, ma i rorom melet.

1 Tesalonaika 5:3

Ra a taro det in watungi lenri, “Ai, ka dat taramo tu maut. A wakak na nilaun kut ri dat taramo i,” a iniru in nanpat kisin torom det, elar nama ngunungut ra a ino i taramo i ra milau sur in usus. Ka det in kalabor eno pas gusun a iniru.

Luk 11:40

Mot a kum longlong! Ka mot tasmani lena, o naro ra i pam a surun a kum utna, i pami utkai a balandet?

1 Timoti 6:17

Un utumarong det ra det ululeng nin una rakrakon bual sur gong det ulabo pas det ut, ma gong det nurnur una mani ra i ser rop kut. Det in nurnur kut un o God, ra i ser tabor dat nama kum wakak na utna rop sur dat in gas nami.