Luk 11:9 - Nupela Testamen long tokples Kandas

⁹ “A watungi tamot, mot in sasaring, ra din tabor mot, mot in sisio, ra mot in sio pasi, mot in pinpidik, ra din papos pas mot.

Luk 11:9 Referans Kwoze

A Wakak na Wasiso un o Iesu Karisito o Mak i tumusi 11:24

Lenra, a inanos mot, a kum utna rop ra mot wararing suri, mot in nurnur kut lena di sa pitar tari tamot, ma din pitari ut torom mot.

Matiu 21:22

Ra mot nurnur, a kum utna rop ra mot wararing suri, din pitari ut torom mot.”

A Wakak na Wasiso un o Iesu Karisito o Jon i tumusi 15:16

Awu sur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama sau ra mot sasaring suri nama risang.

A Wakak na Wasiso un o Iesu Karisito o Jon i tumusi 15:7

Ra mot in laun un iau, ma anung a wasiso in laun un mot, mot in saring iau sur tu utna ra mot nemi, ra din pitari ut torom mot.

A Wakak na Wasiso un o Iesu Karisito o Jon i tumusi 14:13

Ma a kum utna rop ra mot saringi nama risang, an pam sot pasi, sur o Tita in los a minamar un o Nutunu.

1 Jon 3:22

Ma asau rop ra dat saringi suri, in pitari ut tandat, uni dat mur anun a kum warkurai, ma dat pam asau ra i ugasgasi.

Jems 1:5

Ra taio tagun mot i sibo sur a mananos, in saring o God suri. Ra o God in tabori nami, uni i ser tabor dat rop, ma ke ser bitan tu utna. Ma ke ser kankan torom taio ra i sasaring.

Ibru 11:6

Ra taio ke nurnur, o God ken gas lar pas nami. Uni taio ra i nem na wan torom o God, in nurnur lena o God i kis, ma in nurnur kai lena, o God in pitar a ikul tandet ra det sisio mulus suri.

Jems 5:15

A niaring ra i wan tomo nama nurnur, in ulangolango o naro ra i misait, ma a Labino ut, in ulangolango melet pasi. Ma ra i sa pam tar a sakino petutna, a Labino in unus ru i gusuni.

Ibru 4:16

I mo ra dat in nan torom o God, anundat a King, a tene marmaris, ma gong dat ngara. Dat in nan toromi sur dat in utur ukai anun a marmaris, ra in warut dat una nundat a kum mamaut.

A Wakak na Wasiso un o Iesu Karisito o Jon i tumusi 4:10

Ikut o Iesu i balu i lena, “Ra u tasman a etabor anun o God, ma u tasman osi kai ra i saring ui sur lako danim, un saringi, ma in tabor ui nama danim na nilaun.”

Matiu 6:29

Ikut a watungi tamot, a ememar rop anun o king Solomon i tamtama wakak bing, ikut ke tamtama wakak elar nama kum purpur ra.

2 Korin 6:2

Uni o God i watungi lena, “Ra a du bung i sa sot, a longoro ui, Ma una bung ra a ulaun pas ui, a warut ui.” Ais 49:8 Tama i, uniri, a du bung i sa sot, uniutri a bung ra o God i ulaun pas mot.

A Wakak na Wasiso un o Iesu Karisito o Mak i tumusi 13:37

Asau ra a watungi tamot, a watungi kai torom a taro rop lena, mot in tumarong.”

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

Matiu 21:31

Osi na pasander ra i mur a wasiso anun a tamander?” Det balu i lena, “A mugano.” O Iesu i watungi tandet lena, “A inanos mot nama lingmulus, a kum tene los takis ma a kum pamuk na ino, kuri det ruk mugu nanan tamot, una matanitu anun o God.

Tamtama 2:24

Ikut ara taro kai tagun mot tiro o Taiataira ka det mur a kum etowo anun o Jesabel, ma ka det mur a kum utna ra ara taro det watungi nama ‘kum utna na pidik anun o Satan ra i madu doko.’ A watungi tamot lena, kan ubek melet tar tu maut netes un det.

Luk 11:10

Uni det rop ra det sasaring din tabor det, ma osi ra i sisio in sio pasi, ma osi kai ra i pinpidik, din papos pasi.