A Wakak na Wasiso un o Iesu Karisito o Jon i tumusi 8:20 - Nupela Testamen long tokples Kandas

²⁰ O Iesu i watung a wasiso ri tiro ubalan in noworo ina rumu na etabor, una nubual ra di ser ubek a mani na etabor iai. Kataio i pam ukai i, uni anun a du bung ke sot utmakai.

A Wakak na Wasiso un o Iesu Karisito o Jon i tumusi 8:20 Referans Kwoze

A Wakak na Wasiso un o Iesu Karisito o Jon i tumusi 7:30

I mo ra a kum te Juda det nemi sur det in pam ukai pasi, ikut kataio i pami, uni anun a du bung ke sot utmakai.

A Wakak na Wasiso un o Iesu Karisito o Jon i tumusi 7:8

Mot, mot in nan usapat una kum lamlabino bung na lotu. Ikut iau, kan nan lakit sur a kum lamlabino bung na lotu ri, uni anung a du bung ke sot utmakai.”

A Wakak na Wasiso un o Iesu Karisito o Mak i tumusi 12:41

O Iesu i kis milau taru nisan a dino ra di ser woro mani uni, tiro na rumu na etabor. I tama a taro ra det woro anundet a kum mani. A susut na tene gongon kai, det woro a labino mani.

A Wakak na Wasiso un o Iesu Karisito o Jon i tumusi 7:44

Ara taro det nem na pam ukai i, ikut katutaio i tulan tar a pinino.

A Wakak na Wasiso un o Iesu Karisito o Mak i tumusi 12:43

Ra o Iesu i kabo pas anun a kum nat na ususer toromi, ma i watungi tandet lena, “A inanos mot nama lingmulus, a sibo na ula ri, i woro a labino mani taun det rop ra det woro anundet a kum mani.

Matiu 27:6

A kum lamlabino tene etabor torom o God det los pas a kum silwa, ra det watungi lena, “Ke tokodos una Warkurai sur dat in ubek a mani ri una ululeng na mani, uni a mani ri a ikul tagun a musano ra di um doko i.”

A Wakak na Wasiso un o Iesu Karisito o Jon i tumusi 10:39

Ara dino melet det nem na pam ukai o Iesu, ikut i wan eno pas kut gusun det.

A Wakak na Wasiso un o Iesu Karisito o Jon i tumusi 8:59

Ra det los watat pas sur det in dukuduku o Iesu nami, ikut i parau ra i wan gusun in noworo ina rumu na etabor.

Luk 20:19

A kum tene ususer tagun a Warkurai ma a kum lamlabino tene etabor torom o God det sisio sur tu kisapi sur det in pam ukai pas o Iesu una du bung utra, uni det tasmani ut lena i watung a wasiso elelar ri un det. Ikut det ngaran a taro.

Matiu 26:55

Una du bung ra, o Iesu i watungi tan a kunur na taro lena, “Pepetlai, kutiro iau a tene inaim ma a tene wolong, sur i mo ri mot wanpat nama kum totok na inaim ma a kum nalnal sur mot in pam ukai pas iau? Una kum bung rop a ser kis ubalan in noworo ina rumu na etabor, a ser ususer a taro, ma ka mot pam ukai iau.

Luk 21:1

O Iesu i kis una rumu na etabor, i tamtama usa, ra i tama a kum tene gongon det woro tar anundet a etabor una dino ra di ser woro mani uni.

A Wakak na Wasiso un o Iesu Karisito o Jon i tumusi 2:4

O Iesu i balu i lena, “Nang, ilai ra u inanos iau nami? Anung a du bung ke sot utmakai.”

A Wakak na Wasiso un o Iesu Karisito o Jon i tumusi 7:14

Ra det sa kis epotor una kum lamlabino bung na lotu, o Iesu i turpasi sur in ususer a taro ubalan in noworo ina rumu na etabor.

A Wakak na Wasiso un o Iesu Karisito o Jon i tumusi 8:2

Una kobot raut una bung numur, o Iesu i milet melet sur a rumu na etabor, ra a taro rop det wan tomo toromi. Ra i kis ma i ususer det.