A Wakak na Wasiso un o Iesu Karisito o Jon i tumusi 8:11 - Nupela Testamen long tokples Kandas

¹¹ A ino i balu i lena, “Awu. Kataio.” Ra o Iesu i watungi tano lena, “Iau kai kan takun ui. Un nan kut, ma gong melet mo u pam a sakino.”]

A Wakak na Wasiso un o Iesu Karisito o Jon i tumusi 8:11 Referans Kwoze

A Wakak na Wasiso un o Iesu Karisito o Jon i tumusi 3:17

O God ke tulu tar o Nutunu urin una rakrakon bual sur in pitar a warkurai na minabalu torom a rakrakon bual. I tulu tari kut sur in ulaun a rakrakon bual.

A Wakak na Wasiso un o Iesu Karisito o Jon i tumusi 5:14

Numur ut, o Iesu i barato pas a musano ra una rumu na etabor. I watungi tano lena, “Tama i, uniri u sa langolango. Gong melet mo u pam tu sakino, sako numur tu laulau na utna sakit in nanpat un ui.”

A Wakak na Wasiso un o Iesu Karisito o Jon i tumusi 8:15

Mot, mot warkurai kut nama warkurai anun a taro, ma iau ka warkurai taio.

Luk 15:7

A watungi tamot, i lenkutkai ra sapat una langit, a gasgas una tene sakino ra i nukpukus in labo taun a gasgas una lisu na noino ma lisu ra det sa tokodos, ma ka det in nukpukus melet.

Luk 5:32

Ka wanpat sur an kabo pas a kum tene tokodos, awu! A wanpat sur an kabo pas a kum tene sakino sur det in nukpukus.”

A Pas anun o Pol torom a taro Rom 2:4

I sa ese anun a wakak na petutna ra i bukus torom mot, ma ke warkurai lakit mot una numot a kum sakino petutna, ma a pinino ke ngoro lakit nam mot. Pepetlai, mot nuk penpen kut una nun a kum wakak na petutna ra? Pepetlai, ka mot tasmani lena, i maris mot lenri sur mot in nukpukus?

Luk 13:3

Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.

Luk 15:10

A watungi tamot, i lenkutkai ra a gasgas epotor nisan a kum ensel anun o God un ara tene sakino ra i nukpukus.”

A Wakak na Wasiso un o Iesu Karisito o Jon i tumusi 18:36

O Iesu i balu i lena, “Anung a matanitu awu sur taginin una rakrakon bual. Ra gunuk anung a matanitu taginin una rakrakon bual, anung a kum tultul det in waim bat iau, sur gong a tur una warkurai anun a taro Juda. Ikut anung a matanitu awu sur taginin.”

Luk 15:32

I wakak sur dat in gas ma dat in nangon, uni o tisimlik ri i sa mat ma uniri i sa laun melet, i raro pas, ma uniri i sa wanpat melet.’”

Luk 13:5

Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.”

2 Pita 3:15

Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano.

1 Korin 5:12

Sur asau ra an warkurai a taro, ra awu sur det tagun dat a taro na lotu? O God ut in warkurai det. Ikut in wakak sur mot in warkurai det ut, ra tagun dat a taro na lotu. Mot in pami elar nami ra di sa tumus tari una Buk Tabu lenri, “Mot in lakro ru a sakino musano gusun mot.” Lo 17:7

Luk 9:56

Ra o Iesu tomo nama nun a kum nat na ususer det wan sur ara tamon gisen.