A Wakak na Wasiso un o Iesu Karisito o Jon i tumusi 4:5 - Nupela Testamen long tokples Kandas

⁵ Tiro una papor Samaria, i wanpat una tamon Sikar. I milau i kut a du piso ra, un ra bung ut, o Jekop i tabor tar o nutunu, o Josep nami.

A Wakak na Wasiso un o Iesu Karisito o Jon i tumusi 4:5 Referans Kwoze

A Wakak na Wasiso un o Iesu Karisito o Jon i tumusi 4:12

U nuki lena u labo taun a tubundat o Jekop ra i tabor met namin nutung na danim ri? Det tomo nama kum nutnutunu ma anun a kum wewegua kai, det rop det ininum taguni.”

Luk 9:52

I tulu ru ara taro, sur det in mugu tano. Det wanpat un ara tamon una papor Samaria, sur det in waninar sur o Iesu.

A Wakak na Wasiso un o Iesu Karisito o Jon i tumusi 4:6

In nutung na danim, ra o Jekop i sa kil tari, kura tiro iai. O Iesu i taramo a pinino i tungulu una nun a walos na inawan, ra i kis mo tiro nisan in nutung na danim ra. Una du bung ra, in matanas i sa kis lekeleke.

A Wakak na Wasiso un o Iesu Karisito o Jon i tumusi 4:8

Anun a kum nat na ususer det sa wan taru utiro una tamon, sur det in kul utna na inangon.

A Wakak na Wasiso un o Iesu Karisito o Jon i tumusi 4:39

A susut na te Samaria tagun a tamon ra, det nurnur un o Iesu. Det nurnur kibino una wasiso anun a ino, ra i watungi tandet lena, “I inanos iau una kum utna rop ra a sa pam tari numugu.”