A Wakak na Wasiso un o Iesu Karisito o Jon i tumusi 4:14 - Nupela Testamen long tokples Kandas

¹⁴ Ikut det ra det in inum a danim ra an tabor det nami, ka det in muruk melet mo. A danim ra an tabor det nami, in elar nam ara matmatano danim una nundet a nilaun, ra in burburak pat ma in tabor det nama nilaun tukum.”

A Wakak na Wasiso un o Iesu Karisito o Jon i tumusi 4:14 Referans Kwoze

A Wakak na Wasiso un o Iesu Karisito o Jon i tumusi 6:35

O Iesu i balu det lena, “Iau ut a beret na nilaun. Osi ra in nan torom iau ken murak, ma osi ra in nurnur un iau ken muruk melet mo.

Tamtama 7:16

Ka det in murak, ma ka det in muruk melet mo. In matanas ken sa det, ma katu utna ra i mararong doko kai in tun det.

A Wakak na Wasiso un o Iesu Karisito o Jon i tumusi 11:26

ma osi ra i laun ma i nurnur un iau, ken mat. Pepetlai, u nurnur ut una wasiso ri?”

A Wakak na Wasiso un o Iesu Karisito o Jon i tumusi 6:58

Iri a beret ra i wan tagisapat una langit, awu sur i elar nama mana, ra a kum tumtubun dat tagun numugu det wani, ma det sa mat. Osi ra in wangon tagun a beret ri, in laun tukum.”

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.

2 Korin 1:22

I sa ubek tar anun a ukinalong un dat sur in talapor lena, dat anunu ut. Ma i ukis a Niono unin balandat, elar nama ukinalong ra numur dat in rakon a kum utna, ra o God i sa waninar tari sur dat.

A Pas anun o Pol torom a taro Rom 6:23

Uni a kunukul ina sakino petutna, a minat. Ikut a etabor, ra o God i pitar orosi kut, i a nilaun tukum. A nilaun ra dat losi, kibino una pinapam anun o Karisito Iesu anundat a Labino.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

A Wakak na Wasiso un o Iesu Karisito o Jon i tumusi 10:10

A tene wolong i ruk kut sur in wolong, ma in um doko a kum sipsip ma in ban laulau det. Ikut iau, a wanpat sur det in utur ukai a nilaun, a nilaun ra i bukus nama wakakino.

Epeses 4:30

Ma gong mot utupunuk a Tokodos na Nion o God, ra o God i sa ukinalong tar mot nami lena mot anunu. Ma a ukinalong ra, i ese i lena a bung in nanpat ra o God in ulangolango mot.

A Pas anun o Pol torom a taro Rom 5:21

A taro det kis utuntudu ina dekdekin a sakino petutna, ra i pitar a minat torom det. Ikut uniri, a taro ra det kis utuntudu ina dekdekin a marmaris anun o God, o God i watung det a kum tene tokodos, ra i pitar a nilaun tukum torom det, kibino una pinapam ra o Iesu Karisito anundat a Labino i sa pam tari.

Matiu 25:46

Ra det in nan sur a ngunungut tukum. Ikut a kum tene tokodos det in nan sur a nilaun tukum.”

Matiu 5:6

Det ra det murak ma det muruk sur a tokodos na petutna, det dan, uni numur det in masur.

A Wakak na Wasiso un o Iesu Karisito o Jon i tumusi 4:10

Ikut o Iesu i balu i lena, “Ra u tasman a etabor anun o God, ma u tasman osi kai ra i saring ui sur lako danim, un saringi, ma in tabor ui nama danim na nilaun.”

A Wakak na Wasiso un o Iesu Karisito o Jon i tumusi 4:11

A ino i watungi tano lena, “Labino, katu utna na ititup anum, sur un itup danim nami. In nutung na danim ri i dordorong doko. Ma tagai a danim na nilaun ra?

A Wakak na Wasiso un o Iesu Karisito o Jon i tumusi 4:13

O Iesu i balu i lena, “Det rop ra det inum a danim ri, det in muruk melet kut.

A Wakak na Wasiso un o Iesu Karisito o Jon i tumusi 4:36

Uniri a musano ra i pasong i los anun a ikul. Ma a win anun a pasong, a utna sur a nilaun tukum, sur osi ra i marmarut ma osi ra i pasong, der in gas tomo.

A Wakak na Wasiso un o Iesu Karisito o Jon i tumusi 6:27

Gong mot papam kut sur a utna na inangon ra i ser mereseng. Mot in papam sur a utna ra in kis tukum sur a nilaun kura numur, ra a Nutun a Musano in tabor mot nami. Uni o Tamano, o God i sa ese tari lena i mulaot un asau ra a Nutun a Musano i pami.”

A Wakak na Wasiso un o Iesu Karisito o Jon i tumusi 7:37

A ururop na bung ina kum lamlabino bung na lotu, i a labino bung sakit. Una bung ra, o Iesu i tur ma i wasiso namin labino walngano, i watungi lena, “Osi ra i muruk, i wakak sur in nan torom iau ma in inum.

Tamtama 7:17

Uni a Barman na Sipsip ra i kis epotor una kiskis na king, i anundet a tene tamtamabat. In mugu det sur a kum matmatano danim na nilaun. Ma o God in wus ru a kum lurlur na matandet rop.”