A Wakak na Wasiso un o Iesu Karisito o Jon i tumusi 3:2 - Nupela Testamen long tokples Kandas

² I wan torom o Iesu una ra bung na mirum ma i watungi tano lena, “Tene ususer, met tasman ui ra ui a tene ususer, ra o God i tulu ru ui. Katu musano in pam lar pas a kum ukinalong ra u ser pami, ra o God ke kis tomo nami.”

A Wakak na Wasiso un o Iesu Karisito o Jon i tumusi 3:2 Referans Kwoze

A Wakak na Wasiso un o Iesu Karisito o Jon i tumusi 5:36

“Ikut an inanos mot una wasiso talapor un iau, ra i labo taun a wasiso talapor anun o Jon un iau. A kum pinapam ra a ser pami, det wasiso talapor un iau lena, o Tita i tulu ru iau urin. O Tita i pitar tar a kum pinapam ra tang, sur an pami.

Aposel 10:38

Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Aposel 2:22

“A taro Israel, mot in longoro iau. An inanos mot un o Iesu, a te Nasaret. Mot ut mot tasmani lena, una dekdekin o God i pam a kum utna na ukisin, ma a kum dekdek na pinapam ma a kum ukinalong. I pami epotor torom mot, sur o God in ese i torom mot lena, i ut i tulu ru i.

A Wakak na Wasiso un o Iesu Karisito o Jon i tumusi 9:16

A ramano kum Parisi det watungi lena, “A musano ra i pam a utna ri, i awu sur tagun o God, uni i papam una Bung na Sabat.” A ramano kai det watungi lena, “Ra a musano ri a sakino musano, in pam petlan a kum utna na ukisin ri?” Ra a nuknukin det ke takai uni.

A Wakak na Wasiso un o Iesu Karisito o Jon i tumusi 12:37

O Iesu i sa pam tar a susut na utna na ukisin umatandet, ikut ka det nurnur uni,

A Wakak na Wasiso un o Iesu Karisito o Jon i tumusi 1:38

O Iesu i tur tupukus, i tama der ra der muri, ra i ting der lena, “Asau ra mur nemi?” Der balu i lena, “Rabai,” (a kukuraino a Tene Ususer), “kura u kis awai?”

Matiu 22:16

Det tulu ru anundet a kum nat na ususer tomo nama kum paspasan o Erod torom o Iesu, ma det watungi lena, “Tene Ususer, met tasmani lena ui a tokodos na musano, ma u ser ususer a taro una kisapi anun o God nama lingmulus. Ko nuknuk bing un asau ra a taro det watungi un ui, uni a magiram i takai kut torom a taro rop.

A Wakak na Wasiso un o Iesu Karisito o Jon i tumusi 7:31

A susut tagun a kunur na taro det nurnur uni, ra det watungi lena, “A musano ri i pam tar a susut na utna na ukisin. Pepetlai, kutiro a Karisito ut ri?”

A Wakak na Wasiso un o Iesu Karisito o Jon i tumusi 20:16

O Iesu i watungi tano lena, “Maria!” Ra o Maria i tupukus ma i watungi tano nama wasiso Ibru lena, “Raboni!” (a kukuraino lena tene ususer).

A Wakak na Wasiso un o Iesu Karisito o Jon i tumusi 15:24

A sa pam tar a kum utna na ukisin ra kataio in pam lar pasi. Ra gunuk kan pam tar a kum utna na ukisin ra nisandet, ka din takun det una nundet a kum sakino petutna, ma det in langolango ut. Ma iri, det sa tama tar a kum utna na ukisin ra a sa pam tari, ikut det nget mir rop nam o Tita.

A Wakak na Wasiso un o Iesu Karisito o Jon i tumusi 3:26

Det wan torom o Jon ra det watungi tano lena, “Tene ususer, a musano ra mur kis tomo pas nami tong un ara papor danim Jodan, i ra u inanos taru uni, uniri kurong mo kai i baptaiso. Ra a taro rop det wan mukut toromi.”

A Wakak na Wasiso un o Iesu Karisito o Mak i tumusi 12:14

Ra det wanpat toromi, det watungi lena, “Tene Ususer, met tasmani lena ui a tokodos na musano. Ko nuknuk bing un asau ra a taro det watungi un ui, uni a magiram i takai kut torom a taro rop, ma u ser ususer det una kisapi anun o God nama lingmulus. Pepetlai, i tokodos sur din pitar a takis torom a Sisa o awu?

Pilipai 1:14

Anung a kinkinis na karabus i sa uragot a susut na taro ra met nisnisino una Labino, ma ka det ngara sur det in wasiso puaso nama wasiso anun o God nama dekdek.

Matiu 23:7

Ma det nemi sur a taro det in pitar a labino urur torom det una kum nubual na inawan tomo, ma det in watung det kai nama kum tene ususer.

Matiu 23:8

“Ikut, gong di watung mot a kum tene ususer, uni ara Tene Ususer sot kut anumot. Ma mot, mot nisnisino.

A Wakak na Wasiso un o Iesu Karisito o Jon i tumusi 2:11

Iri a mugano ukinalong ra o Iesu i pami. I pami tong o Kana una papor Galili. A ukinalong ra, i ese puaso anun a minamar, ma anun a kum nat na ususer det nurnur uni.

A Wakak na Wasiso un o Iesu Karisito o Jon i tumusi 4:31

Ra a ino i sa wan taru, a kum nat na ususer det inanos dekdeki lena, “Tene Ususer, un nangon pas.”

A Wakak na Wasiso un o Iesu Karisito o Jon i tumusi 6:2

A labino kunur na taro det muri, uni det sa tama tar a kum ukinalong ra i pami una kum misait.

A Wakak na Wasiso un o Iesu Karisito o Jon i tumusi 10:38

Uniri a pami ut anun a kum pinapam. Ikut ra ka mot nurnur una nung a wasiso, mot in nurnur un iau kibino una kum pinapam a pami, sur mot in tasmani lena o Tita kuri un iau, ma iau kura un o Tita.”

A Wakak na Wasiso un o Iesu Karisito o Jon i tumusi 14:10

Pepetlai, ko nurnur lena iau kura un o Tita, ma o Tita kuri un iau? A kum wasiso ra a watungi tamot, awu sur anung. O Tita ra kuri un iau i pam anun a pinapam.