A Wakak na Wasiso un o Iesu Karisito o Jon i tumusi 17:26 - Nupela Testamen long tokples Kandas

²⁶ A sa watung puaso tar ui torom det, ma kan mana nama wasiso talapor un ui torom det, sur det in tasman ui, sur a marmaris ra u nem iau nami, in kis un det ma iau kai an laun un det.”

A Wakak na Wasiso un o Iesu Karisito o Jon i tumusi 17:26 Referans Kwoze

A Wakak na Wasiso un o Iesu Karisito o Jon i tumusi 17:23

Iau kura un det, ma ui kai kuri un iau, sur det ara mukut, sur a taro nin una rakrakon bual det in tasmani lena, u tulu ru iau urin, ma det in tasmani kai lena, u nem det elar nami ra u nem iau.

A Wakak na Wasiso un o Iesu Karisito o Jon i tumusi 17:6

“Det ra u sa pilok pas det gusun a rakrakon bual, ma u pitar tar det tang, a sa watung puaso tar ui tandet. Det anumi, ra u pitar tar det tang, ma det sa mur anum a kum wasiso.

A Wakak na Wasiso un o Iesu Karisito o Jon i tumusi 15:9

O Tita i nem iau, lenkutkai ra a nem mot. Mot in laun una nung a marmaris.

Ibru 2:12

Ma i watungi torom o God lenri, “An wasiso talapor un ui torom a kum tistising, ma an kelekele na watung ulabo pas ui epotor tan a taro na lotu.” Sng 22:22

A Wakak na Wasiso un o Iesu Karisito o Jon i tumusi 15:15

Kan watung mot melet mo lena a kum tultul, uni a tultul ke tasman a utna ra anun a labino i pami. Ikut a watung mot lena a kum paspasang, uni a sa watung rop tar a kum wasiso tamot ra a longoro i tan o Tita.

A Wakak na Wasiso un o Iesu Karisito o Jon i tumusi 14:20

A bung ra an katutur melet gusun a minat, mot in tasmani lena kura iau un o Tita, ma mot kai kuri un iau, ma iau kura un mot.

A Wakak na Wasiso un o Iesu Karisito o Jon i tumusi 15:4

Mot in laun un iau, ma iau an laun un mot. Ka mot in wu ra ka mot laun un iau, elar nama kano wain ken wu oros ra ken patop unin nanai ino.

Epeses 5:32

A wasiso ri ra i kis eno, a labino kukuraino. I wasiso un o Karisito ma a taro na lotu.

Epeses 5:30

Uni dat a kum du pinin o Karisito.

A Wakak na Wasiso un o Iesu Karisito o Jon i tumusi 14:23

O Iesu i balu i lena, “Ra taio i nem iau, in mur anung a kum etowo. O Tita in nemi, ma mir nam o Tita mir in nan toromi, ma mir in kis tomo nami.

A Wakak na Wasiso un o Iesu Karisito o Jon i tumusi 8:50

Ka pam a kum utna ri sur a taro det in ulabo pas iau uni. Ikut ara sot kut, a tene warkurai, i ulabo pas iau.

1 Jon 3:24

Osi ra i mur anun a kum warkurai, i laun un o God, ma o God kai i laun uni. Ma dat tasmani lena o God i laun un dat, uni a Tokodos na Nion ra i tabor dat nami, kuri ut un dat.

2 Tesalonaika 2:16

O God a Tamandat, i maris dat, ma una nun a marmaris i tabor dat nama wasiso na ururagot ra ken rop, ma i warut dat sur dat in kis langlang nama nurnur sur a wakakino ra in pami. Ra metul wararing sur anundat a Labino o Iesu Karisito ma o God a Tamandat

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.

Kolosi 2:10

Ma mot tagun o Karisito, i mo ra anumot a nilaun i kudulano. Ma o Karisito ut, i labo taun a kum nion rop ra det utur ukai a dekdek, ma a kum nion rop ra det utur ukai a warkurai.

Kolosi 1:27

O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.

Epeses 3:17

sur o Karisito in kis una balamot, ra mot nurnur uni. Ra a wararing sur anumot a marmaris in tur dekdek elar namin nanai ra a wakakorino i rarau.

Epeses 1:6

Ra dat in watung ulabo pas o God una nun a wakak na marmaris ra i tabor oros tar dat nami, una Nutunu ra i maris doko i.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

1 Korin 12:12

A musano i ara kut, ikut a susut na du pinino. A kum du pinino det susut, ikut di tugus tomo pas det sur ara kudulano pinino. A pinin o Karisito i lenkutkai ra.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

A Pas anun o Pol torom a taro Rom 8:10

Ra o Karisito i laun un mot, a pinimot in mat, kibino una sakino petutna, ikut a niomot in laun, uni mot tokodos umatano.

A Wakak na Wasiso un o Iesu Karisito o Jon i tumusi 6:56

Osi ra in nan a pining ma in inum a gaping, in laun un iau, ma iau an laun uni.

A Wakak na Wasiso un o Iesu Karisito o Jon i tumusi 17:8

A sa inanos tar det nama kum wasiso ra u pitar tari tang, ma det sa muri. Ma det tasman mulusi lena a wan ut tagisapat tam, ma det sa nurnur lena ui ut u tulu ru iau urin.